اپوزیشن جماعتیں شہباز شریف کے حق میں ڈٹ گئیں

اپوزیشن جماعتیں قائد حزب اختلاف اور چیئرمین پبلک اکاؤنٹس کمیٹی شہباز شریف کے حق میں ڈٹ گئیں۔

رہنما پیپلز پارٹی خورشید شاہ نے اپنے بیان میں کہا کہ ماضی میں تحریک انصاف کے اراکین ایوان میں رقص کرتے رہے ہیں، حکومت نے ڈگر نہ بدلی تو اپوزیشن کو بھی ایسا ہی کرنا پڑے گا، قومی اسمبلی کو بے توقیر طریقے سے چلانے نہیں دیں گے۔

وزیراعظم کو تنقید کا نشانہ بناتے ہوئے خورشید شاہ نے کہا کہ عمران خان اسمبلی کو کنٹینر کی طرح چلانے کی کوشش کر رہے ہیں اور اسمبلی میں بھی کنٹینر کی سیاست کر رہے ہیں۔

انہوں نے کہا کہ حکومت ڈلیور کرنے میں ناکام رہی ہے اور اب عوام کو لڑائیوں میں الجھانا چاہتی ہے۔

کسی کو این آر او دینے کا مطلب ملک سے غداری ہوگا: وزیراعظم عمران خان

جس نے ملک کا دیوالیہ نکالا ان میں سے کسی کو نہیں چھوڑیں گے، پارلیمنٹ چلانے کی جتنی کوشش کرنی تھی کرلی اب کسی کرپٹ آدمی کو رعایت نہیں ملے گی: بلوکی میں تقریب سے خطاب

عمران خان کی آئی ایم ایف چیف سے ملاقات کو پاکستان کی تذلیل قرار دیتے ہوئے خورشید شاہ نے کہا کہ وزیراعظم کی آئی ایم ایف چیف سے ملاقات کی ماضی میں مثال نہیں ملتی۔

خورشید شاہ نے کہا کہ عمران خان پاکستان کی تذلیل کرنے کے سوا کچھ نہیں کر سکتے، کشکول توڑنے اور خود کشی کا اعلان کرنے والا خود آئی ایم ایف کے سامنے پیش ہوا۔

چیئرمین پبلک اکاؤنٹس کمیٹی کے حوالے سے بات کرتے ہوئے خورشید شاہ نے کہا کہ اگر کسی میں ہمت ہے تو شہباز شریف کے خلاف تحریک عدم اعتماد لا کر دکھائے، حکومت قومی اسمبلی کی کارروائی بھی نہیں چلا سکے گی۔

انہوں نے کہا کہ اپوزیشن جماعتوں نے اسپیکر، شاہ محمود قریشی، پرویز خٹک کی وجہ سے پارلیمنٹ چلانے کی کوشش کی۔

رہنما پیپلز پارٹی نے کہا کہ حکومت نے اسپیکر اسد قیصر کو پریشان کر دیا ہے، اسپیکر کو کمیٹی ارکان کی ردوبدل کا اختیار نہیں ہے۔

ان کا کہنا تھا کہ اسپیکر کو صرف پارٹی کی درخواست پر ردو بدل کرنے کا اختیار ہے۔

ن لیگ یا پیپلز پارٹی کیساتھ کوئی ڈیل نہیں ہو رہی: وزیراعظم

این آر او کی خبروں میں کوئی حقیقت نہیں، حکومتی موقف بھرپور انداز سے عوام تک پہنچایا جائے: وزیراعظم کی حکومتی اور پارٹی ترجمانوں کو ہدایت

ایم کیو ایم کے حوالے سے بات کرتے ہوئے خورشید شاہ نے کہا کہ ایم کیو ایم حکومت کو بلیک میل کر کے فائدہ لے گی۔

انہوں نے کہا کہ ایم کیو ایم کی تاریخ ہے کہ موقع سے فائدہ اٹھاتی ہے، ایم کیو ایم کو اپوزیشن کا حصہ سمجھتے ہیں نہ سمجھیں گے۔