ورون نے نتاشا سے منگنی کی تاریخ آگے بڑھادی

ورون دھون کی گرل فرینڈ نتاشا دلال سے منگنی 24 اپریل کو متوقع تھی جو اب تاخیر کا شکار ہوگئی ہے—. فوٹو فائل

بالی وڈ اداکار ورون دھون اور ان کی گرل فرینڈ نتاشا دلال کی محبت کے چرچے طویل عرصے سے زبان زد عام ہیں اور دونوں کی رواں ماہ منگنی کی خبریں بھی زیرِ گردش تھیں تاہم اب ان کی منگی تاخیر کا شکار ہوگئی ہے۔

بھارتی میڈیا رپورٹ کے مطابق 24 اپریل کو ورون دھون کی سالگرہ کے موقع پر نتاشا دلال کو دھون خاندان کی مستقبل کی بہو بنانے کا اعلان متوقع تھا لیکن اداکار بھارت میں سالگرہ منانے کے بجائے نتاشا دلال کے ساتھ اچانک دوسرے ملک  سالگرہ منانے چلے گئے۔

View this post on Instagram

Happy diwali ‍️‍️

A post shared by Varun Dhawan (@varundvn) on


رپورٹ کے مطابق ورون دھون  اس وقت فلم ’قلی نمبر1‘ کی شوٹنگ کے شیڈول میں مصروف ہیں جس کے باعث منگنی اور شادی کے کاموں کو نہیں سنبھال سکیں گے یہی وجہ ہے کہ انہوں نے اپنی منگنی کو آگے بڑھانے کا فیصلہ کیا ہے۔

واضح رہے کہ رواں ماہ ورون دھون کی فلم ’کلنک‘ سینما گھروں کی زینت بنی تھی جو فلم بینوں کو متاثر کرنے میں ناکام رہی، اب اداکار 1995 کی مقبول فلم ’قلی نمبر 1‘ ری میک کی عکس بندی میں مصروف ہیں جو ان کے والد ڈیوڈ دھون کی ہدایت کاری میں بنائی جا رہی ہے۔

’قلی نمبر 1‘ میں ورون دھون پہلی مرتبہ اداکارہ سارہ علی خان کے ساتھ جلوہ گر ہوں گے۔

مزید خبریں :