پاکستان
Time 26 اپریل ، 2019

وزیراعظم نے اقتصادی رابطہ کمیٹی کی تشکیل نو کردی

ای سی سی، کابینہ کمیٹی برائے توانائی اور نجکاری کے نوٹیفکیشن بھی جاری کردیے گئے — فوٹو: فائل 

اسلام آباد: وزیراعظم عمران خان نے اقتصادی رابطہ کمیٹی (ای سی سی) کی تشکیل نو کردی۔

وزیراعظم نے کابینہ کمیٹی برائے توانائی اور نجکاری کی بھی تشکیل نو کی جن کا  نوٹیفیکیشن بھی جاری کردیا گیا ہے۔ 

نوٹیفکیشن کے مطابق وزیراعظم کے مشیر برائے خزانہ عبد الحفیظ شیخ اقتصادی رابطہ کمیٹی کے چیئرمین ہوں گے اور  کمیٹی 14 ارکان پر مشتمل ہوگی۔

نوٹیفکیشن میں کابینہ کمیٹی برائے توانائی کا چیئرمین بھی مشیر خزانہ کو مقرر کیا گیا ہے اور یہ کمیٹی 7 ارکان پر مشتمل ہوگی۔

کابینہ کمیٹی برائے نجکاری کے چیئرمین بھی عبدالحفیط شیخ کو بنایا گیا ہے، یہ  کمیٹی 8 ارکان پر مشتمل ہوگی۔

یاد رہے کہ سابق وزیرخزانہ اسد عمر کی جانب سے مستعفیٰ ہونے کے بعد ڈاکٹر عبدالحفیظ شیخ کو وزیراعظم کا مشیر برائے خزانہ بنایا گیا ہے۔

مزید خبریں :