Can't connect right now! retry

صحت و سائنس
10 مئی ، 2019

چٹنی کی خاص بات، افطار کا ذائقہ دوبالا ہاضمے کے ساتھ

فائل فوٹو

کھانے کی میز ہو یا افطار کا دستر خوان، چٹنی نا ہو تو بات کچھ بنتی نہیں ہے، چٹنی کا استعمال صرف ذائقے کو دوبالا کرنے کے لیے نہیں کیا جاتا بلکہ نظام ہاضمہ کو درست رکھنے کے لیے بھی کیا جاتا ہے۔

چٹنیوں کو دستر خوان کی رونق بھی کہا جاتا ہے۔ اس لیے پیش خدمت ہیں فالسے، املی اور ٹماٹر کی چٹنیوں کی تراکیب، بنائیے اور کھانے کی رونق بڑھائیے؛

فالسے کی چٹنی

فوٹو کریڈٹ : کے فوڈز ڈاٹ کام

اجزائے ترکیبی

فالسہ:                          250گرام 

چینی:                          3/4 کپ 

پانی:                            ایک کپ 

نمک:                           آدھا کھانے کا چمچ یا حسب ذائقہ 

کٹی ہوئی لال مرچ:    ایک کھانے کا چمچ 

سرکہ:                          دو کھانے کے چمچ 

ترکیب

تمام اجزا کو کھلے منہ کے برتن میں ڈال کر ہلکی آنچ تک پکا لیں اور گاڑھا ہونے پر چولہا بند کر دیں۔

اب اس میں نمک ، چینی اور کٹی ہوئی لال مرچ حسب ذائقہ شامل کرلیں۔

ٹھنڈا ہونے پر شیشے کی بوتل یا برتن میں ڈال دیں۔

2) 

املی کی چٹنی 

فوٹو کریڈٹ : ویج ریسیپیز آف انڈیا ڈاٹ کام

اجزائے ترکیبی:

املی:                          آدھا کپ

کٹا ہوا گڑ:                3/4 کپ 

پسی ہوئی لال مرچ:  1کھانے کا چمچ

پسا ہوا زیرہ:             1 کھانے کا چمچ 

پانی:                           ڈیڑھ کپ 

کالا نمک:                  1/4 چائے کا چمچ 

نمک:                         حسب ذائقہ 

ترکیب 

املی سے بیج نکال اسے دھیمی آنچ پر 10-8 ابال لیں۔اگر آپ املی کو ابالنا نہیں چاہتے تو اسے پانی میں ڈبو کر 30 منٹ کے لیے رکھ دیں۔

اب اسے کمرے کے درجہ حرارت پر ٹھنڈا ہونے کے لیے رکھ دیں۔ٹھنڈا ہو جانے پر املی کے گودے کو پیسٹ کی شکل دے لیں۔ اس کے لیے بلینڈر کا استعمال بھی کیا جا سکتا ہے۔ 

پیسٹ کو چھان لیں اور اسے کھلے منہ کے برتن میں ڈال کر اس میں گڑ شامل کر لیں۔آمیزے کو دھیمی آنچ پر ابلنے کے کے لیے رکھ دیں یہاں تک کہ اس میں گڑ حل ہو جائے۔

اب اس میں پسی ہوئی لال مرچ، پسا ہوا زیرہ ،کالا نمک اور نمک اچھی طرح حل کر لیں۔

آمیزے کو ذائقے کے لیے چکھ لیں ۔اگر نمکین ذائقہ چاہیے تو نمک بڑھا دیں اور اگر میٹھا مزید چاہیے تو گڑ شامل کر دیں۔

چولہا بند کرکے آمیزے کو کمرے کے درجہ حرارت پر ٹھنڈا ہونے کے لیے رکھ دیں۔

3)

ٹماٹر کی چٹنی 

فوٹو کریڈٹ : پینٹیریسٹ ڈاٹ کام 

اجزائے ترکیبی 

درمیانے سائز کے ٹماٹر:  4 عدد، چھلکا اتار کر چھوٹے چھوٹے ٹکڑے کرلیں 

کٹا ہوا لہسن:               1/4 کپ 

پیاز:                                ایک ، باریک کٹا ہوا

شکر:                              3/4 کپ 

سفید چینی:                   3/4

سیب کا سرکہ:                ایک اور آدھا کپ 

نمک:                               ایک کھانے کا چمچ یا حسب ذائقہ 

لیموں:                            1، رس نکلا ہوا 

ادرک کا پاوڈر:                ایک کھانے کا چمچ 

کٹی ہوئی لال مرچ:       ایک کھانے کا چمچ یا حسب ذائقہ 

پسا ہوا زیرہ:                  1/2 کھانے کا چمچ 

کالی مرچ:                       1/2 چمچ 

ترکیب 

تمام اجزا ایک کھلے منہ کے برتن میں یکجا کر لیں۔

آمیزے کو ابال آنے کے بعد آنچ دھیمی کردیں اور اسے 2 گھنٹے تک پکنے دیں یا جب تک یہ گاڑھا نہ ہوجائے۔ وقفے وقفے سے چمچ ہلاتے رہیں۔

آمیزہ ٹھنڈا ہونے کے بعد اسے شیشے کے جا رمیں منتقل کر دیں۔

نوٹ : جار کو منہ تک نہ بھریں بلکہ اس میں ایک چوتھائی گنجائش رہنے دیں۔چٹنیوں کو زیادہ دنوں تک فریج میں نہ رکھیں اس سے ذائقے میں تبدیلی آسکتی ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM