اداکارہ ماہرہ خان 22 سال پہلے کیسی نظر آتی تھیں؟

سپر اسٹار ماہرہ خان نے چند روز قبل سوشل میڈیا پر اپنی بڑھتی عمر کا چرچہ کیا تھا لیکن اب انہوں نے ماضی کی یادگار تصویر شیئر کی ہے جس میں دیکھا جاسکتا ہےکہ اداکارہ 22 سال پہلے کیسی دکھتی تھیں۔

ماہرہ نے انسٹاگرام پر سُرخ جوڑے میں ملبوس ایک یادگار تصویر شیئر کی جس میں لکھا کہ ’لال اور میرا پرانا رشتہ ہے، میرے خیال سے میں اس تصویر میں 12 یا 13 برس کی ہوں‘۔

انہوں نے بتایا کہ اس تصویر میں انہوں نے اپنا پسندیدہ لال دوپٹہ لیا ہوا ہے اور ساتھ ہی اپنی والدہ کی ماتھا پٹی بھی پہنی ہوئی ہے جسے وہ پہن کر گھس چکی ہیں۔

ماہرہ خان کی اس تصویر کو جہاں سب نے پسند کیا وہیں بالی وڈ اداکارہ سونم کپور نے بھی تبصرے میں لکھا کہ ’آپ بہت خوبصورت ہیں‘۔

جب کہ بھارتی گلوکارہ ہرش دیپ کور نے بھی ماہرہ خان کی تصویر پر فدا ہونے کا تاثر دیتے ہوئے تبصرے میں ’ظالمہ‘ لکھا۔

کیا ماہرہ پر بڑھاپا آگیا؟ اداکارہ کی سوشل میڈیا پر دلچسپ پوسٹ

ماہرہ نے اپنے انسٹا گرام اکاؤنٹ پر بڑھاپے سے متعلق پوسٹ کی جس پر مداحوں نے تبصرے شروع کردیے

ماہرہ خان کا اپنی تصویر میں 12 یا 13 سال کا گمان کرنے پر جہاں مداحوں نے خوب تعریفیں کی وہیں کچھ کا کہنا تھا کہ اداکارہ اس تصویر میں بڑی دکھتی ہیں۔

کچھ صارفین نے لکھا کہ ماہرہ اپنے آپ کو 12 یا 13 برس کا کہہ کر اچھا مذاق کر رہی ہیں جب کہ بعض مداحوں کا یہ بھی کہنا تھا کہ آپ چاہے 12 ، 13، 22 یا 34 ہوں، آپ ہر عمر میں دلکش ہیں۔