18 مئی ، 2019
مٹیاری کے مقام پر دریائے سندھ میں مسافروں کی کشتی الٹ گئی جس کے نتیجے میں 12 افراد ڈوب گئے۔
ایس ایس پی مٹیاری کے مطابق کشتی میں سوار افراد مٹیاری سے جام شورو جارہے تھے کہ اس دوران ان کی کشتی حادثے کا شکار ہوگئی۔
ان کا کہنا ہے کہ کشتی میں 12 افراد سوار تھے جن میں خواتین اور بچے بھی شامل ہیں۔
ڈوبنے والے 6 افراد کی لاشیں نکال لی گئیں ہیں جب کہ دیگر کی تلاش کا کام جاری ہے۔
پولیس کا کہنا تھا کہ جاں بحق افراد میں چار خواتین اور دو مرد شامل ہیں۔