کھیل کو سیاست زدہ کرنے پر آئی سی سی دھونی کیخلاف ایکشن میں آگیا

کھیل کو سیاست زدہ کرنے پر انٹرنیشنل کرکٹ کونسل (آئی سی سی) بھارتی وکٹ کیپر مہندر سنگھ دھونی کیخلاف ایکشن میں آگیا۔

آئی سی سی نے بھارتی وکٹ کیپر دھونی کے خلاف ایکشن لیتے ہوئے دھونی کے دستانوں سے بھارتی فوج کا لوگو ہٹانے کی ہدایت کردی۔

فوجی ٹوپیاں پہننے کا معاملہ: پی سی بی کا آئی سی سی سے ایکشن لینے کا مطالبہ

بھارت کے معاملے پر آئی سی سی سے بات کی ہے، بی سی سی آئی کی حرکات پر آئی سی سی کو ایک خط لکھا اور دوسرا لکھ رہے ہیں: چیئرمین پی سی بی احسان مانی

دھونی نے ورلڈکپ میں جنوبی افریقا کے خلاف میچ میں یہ دستانے پہنے تھے جس پر بھارتی فوج کا نشان موجود تھا۔

آئی سی سی کے جی ایم اسٹریٹجک کمیونیکیشن کلیئر فرلانگ کا کہنا ہے کہ بھارتی کرکٹ بورڈ سے کہہ دیا ہے کہ فوجی لوگو ہٹایا جائے۔

خیال رہے کہ اس سے قبل 8 مارچ 2019 کو بھی بھارتی ٹیم نے رانچی میں آسٹریلیا کے خلاف میچ میں فوجی ٹوپیاں پہن کر میچ کھیلا تھا لیکن اس میچ میں اسے منہ کی کھانی پڑی تھی۔

بھارتی کھلاڑیوں نے اجازت کے بعد فوجی ٹوپیاں پہن کر میچ کھیلا: آئی سی سی

بھارتی کرکٹ بورڈ نے ہلاک فوجیوں کے اہلخانہ کیلئے فنڈ رائزنگ کی اجازت مانگی جسے منظور کیا گیا تھا، ترجمان

وزیر خزانہ شاہ محمود قریشی اور وفاقی وزیر اطلاعات فواد چوہدری نے بھارتی ٹیم کی اس حرکت کی شدید الفاظ میں مذمت کرتے ہوئے جینٹلمین گیم کو سیاست کی نذر کرنے کی سازش قرار دیتے ہوئے بھارتی ٹیم کے خلاف ایکشن لینے کا مطالبہ کیا تھا۔

اس وقت انٹرنیشنل کرکٹ کونسل کا کہنا تھا کہ آسٹریلیا کے خلاف تیسرے ایک روزہ میچ میں بھارتی ٹیم کے کھلاڑیوں نے آئی سی سی کی اجازت سے فوجی ٹوپیاں پہنی تھیں۔

ترجمان آئی سی سی کا کہنا تھا کہ بھارتی کرکٹ بورڈ نے پلوامہ حملے میں ہلاک ہونے والے فوجیوں کے اہلخانہ کیلئے فنڈ رائزنگ کے سلسلے میں اجازت مانگی تھی اور آئی سی سی نے اس کی اجازت دی تھی۔