Can't connect right now! retry

دلچسپ و عجیب
08 جون ، 2019

چینی کسان بی ایم ڈبلیو میں گیس بھروانے کیلئے مرغی چور بن گیا

فائل فوٹو

چین کے ایک کسان نے لاکھوں ڈالر کی بی ایم ڈبلیو تو خرید لی لیکن اس میں گیس ڈلوانے کے لیے وہ مرغی چور بن گیا۔

چین کے صوبے سیچوان کی مقامی پولیس کو اپریل کے مہینے سے مقامی کسانوں کی جانب سے مرغیوں اور بطخوں کی چوری کی اطلاعات موصول ہورہی تھیں جس کے لیے پولیس چھان بین میں مصروف تھی کہ خلاف توقع شہر کا امیر ترین کسان ہی اس جرم کا مرتکب پایا گیا۔

دنیا کا مشہور ترین جملہ ہے کہ’وقت بدلتے دیر نہیں لگتی‘ ایسا ہی کچھ اس کسان کے ساتھ ہوا جسے بدترین مالی بحران سے دوچارہونا پڑا۔

مالی بحران اس قدر سنگین تھا کہ وقت کے امیر ترین کسان کے پاس اپنی 2 لاکھ 90 ہزار ڈالر کی بی ایم ڈبلیو میں گیس بھروانے کے لیے بھی رقم نہ تھی اور ایسے میں گاڑی کی ضرورت پوری کرنے کے لیے اسے چوری کا سہارہ لینا پڑا۔

پولیس نے محنت کرکے اس کسان کو گرفتار کر لیا لیکن اس دوران ملزم کے تعاقب میں پولیس کو کافی دشواری پیش آئی کیونکہ بھاگتے ہوئے مجرم کی گاڑی کی گرفتار عام گاڑیوں سے کہیں زیادہ تیز تھی۔

پولیس کے مطابق کسان نے دورانِ تفتیش اپنے جرم کا اعتراف بھی کرلیا ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM