Can't connect right now! retry

دنیا
09 جون ، 2019

بھارتی وزیراعظم نریندر مودی مختصر دورے پر سری لنکا پہنچ گئے

نریندر مودی سری لنکن ہم منصب اور دیگر حکام سے ملاقاتیں کریں گے اور بھارتی کمیونٹی سے خطاب بھی کریں گے۔ فوٹو: بشکریہ نریندر مودی ٹوئٹر

کولمبو: بھارتی وزیراعظم نریندر مودی مختصر دورے پر سری لنکا پہنچ گئے جہاں وہ اپنے ہم منصب سمیت دیگر حکام سے ملاقاتیں کریں گے۔

نریندر مودی کا انتخابات میں کامیابی کے بعد سری لنکا کا یہ پہلا غیرملکی دورہ ہے جہاں کولمبو ائیرپورٹ پر سری لنکن ہم منصب رانل وکرم سنگھے نے ان کا استقبال کیا۔

دونوں رہنما صدارتی سیکرٹریٹ پہنچے جہاں مہمان وزیراعظم کو سرکاری طور پر خوش آمدید کہا جائے گا۔

بھارتی وزیراعظم سری لنکن صدر میتھری پالا سری سینا سے بھی ملاقات کریں گے جس کے دوران دونوں رہنماؤں کے درمیان دوطرفہ تعلقات سمیت دیگر اہم امور پر تبادلہ خیال کیا جائے گا۔

نریندر مودی اپوزیشن لیڈر اور سابق صدر مہندا راجا پاکسے اور دیگر سرکاری وفود سے بھی ملاقاتیں کریں گے اور کولمبو میں بھارتی کمیونٹی سے بھی خطاب کریں گے جس کے بعد وہ آج شام کو ہی واپس اپنے وطن لوٹیں گے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM