ن لیگ اور پیپلز پارٹی کا بجٹ کی منظوری روکنے کیلئے کمیٹی بنانے کا فیصلہ

پاکستان مسلم لیگ ن اور پیپلز پارٹی نے قومی اسمبلی سے بجٹ کی منظوری کو روکنے کیلئے کمیٹی بنانے کا فیصلہ کرلیا۔

حکومت اور اپوزیشن کے درمیان ایوان کو افہام و تفہیم سے چلانے کا معاہدہ ہوگیا

حکومت اور اپوزیشن پارلیمنٹ میں ایک دوسرے کے رہنماؤں کی تقاریر کے دوران احتجاج نہیں کریں گے، اپویشن لیڈر شہباز شریف کل ساڑھے 10 بجے شروع ہونے والے اجلاس میں بجٹ تقریر کریں گے

شہباز شریف اور بلاول بھٹو زرداری نے پارلیمنٹ میں ملاقات کے بعد بعد میڈیا سے گفتگو کی۔ اپوزیشن لیڈر شہباز شریف کا کہنا ہے کہ بجٹ مزدور، کسان، عوام اور غریب دشمن ہے۔

بلاول بھٹو زرداری کہتے ہیں کہ یہ پاکستان کا نہیں غیرملکی بجٹ ہے،اپوزیشن کی تمام جماعتوں کو مل کر عوام دشمن بجٹ کو روکنا پڑے گا۔

ذرائع کے مطابق بلاول بھٹو زرداری کی شہباز شریف سے اپوزیشن چیمبر میں ملاقات ہوئی جس میں آل پارٹیز کانفرنس (اے پی سی) کیلئے 25 اور 26 جون کی تاریخیں تجویز کی گئیں۔

ملاقات میں خورشید شاہ، راجا پرویز اشرف، خواجہ آصف، رانا تنویر، مریم اورنگزیب موجود تھے۔

بجٹ ہم منظور کرالیں گے، کابینہ ارکان کسی بلیک میلنگ میں نہ آئیں: وزیراعظم

وزراء بھی بجٹ منظوری کی ٹینشن نہ لیں، کسی مصلحت کا شکار نہ ہوں، اینٹ کا جواب پتھر سے دیں، عوام کی زندگی میں خلل ڈالا گیا تو قانون حرکت میں آئے گا،کابینہ اجلاس سے خطاب

ذرائع کے مطابق ملاقات میں بجٹ امور سمیت پروڈکشن آرڈرز پر بات چیت کی گئی۔

خیال رہے کہ جمعیت علمائے اسلام (ف) کے سربراہ مولانا فضل الرحمان نے گزشتہ روز بلاول اور شہباز شریف سے علیحدہ علیحدہ ملاقاتیں کی تھیں۔

ان ملاقاتوں میں جون کے آخر میں اپوزیشن جماعتوں کی آل پارٹیز کانفرنس (اے پی سی) بلانے پر اتفاق کیا گیا تھا۔