Can't connect right now! retry

دلچسپ و عجیب
02 جولائی ، 2019

میکسیکو میں گرمیوں کے موسم میں 5 فٹ برفباری، شہری حیران

فوٹو: بشکریہ بی بی سی

میکسیکو کے شہر گواڈالجارا میں گرمیوں میں غیر متوقع طور پر ژالہ باری اور 5 فٹ تک برف پڑنے سے پورا شہر غیر حقیقی منظر پیش کرنے لگا۔

فوٹو: بشکریہ بی بی سی

اتوار کے روز شہری صبح اٹھے تو گھروں کے باہر کا منظر دیکھ کر حیران ہو گئے کہ گرمیوں کے موسم میں جہاں درجہ حرارت 31 ڈگری سینٹی گریڈ ہے اور پورا شہر برف سے ڈھکا ہوا ہے۔

فوٹو: بشکریہ بی بی سی

ژالہ باری کیا ہے؟

ژالہ باری عموما گرمیوں میں ہوتی ہے، ہوا میں موجود نمی جب بھاپ بن کر اوپر کی جانب اٹھتی ہے تو یہی بارش اور طوفان کا باعث بنتی ہے۔

گرمیوں میں اکثر ایسی کیفیت پیدا ہوتی ہے کہ بادلوں میں درجہ حرارت صفر ڈگری تک گر جاتا ہے، یہی وجہ ہوتی ہے کہ بھاپ برف کے کرسٹل میں تبدیل ہو جاتی ہے اور یہ اسی طرح برستی ہے۔

فوٹو: بشکریہ بی بی سی

مقامی میڈیا کے مطابق میکسیکو کے شمالی دارالحکومت میں ژالہ باری سے 450 گھر متاثر ہوئے جبکہ گاڑیاں 5 فٹ برف کے اند دھنس گئیں تاہم خوش قسمتی سے کوئی جانی نقصان نہیں ہوا۔

فوٹو: بشکریہ بی بی سی

شدید برفباری کے باعث 2 لوگوں کو ہائپوتھرمیا ہونے کی اطلاعات موصول ہوئیں۔

فوٹو: بشکریہ بی بی سی

گواڈالجارا میں اس مہینے زیادہ سے زیادہ درجہ حرارت 37 ڈگری سینٹی گریڈ تک جاتا تھا تاہم اچانک ہونے والی ژالہ باری کے بعد شہریوں کے تحفظ کے لیے اہلکاروں نے بھاری مشینری کے ذریعے برف ہٹانے کا کام شروع کر دیا۔

فوٹو: بشکریہ بی بی سی

میکسیکن میڈیا کا کہنا تھا کہ جیسے ہی برف پگھلنا شروع ہوئی شہر دریا کا منظر پیش کرنے لگا جس کی وجہ سے گاڑیاں پانی کے بہاؤ کے ساتھ بہنے لگیں اور کئی روڈ اور ہائی ویز پر ٹریفک معطل ہو گئی۔


Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM