Can't connect right now! retry

دنیا
07 جولائی ، 2019

افغان طالبان کا این ڈی ایس کے دفتر پر خود کش حملہ، اہلکاروں سمیت 14 افراد ہلاک

حملے میں این ڈی ایس کے درجنوں افسران یا تو مارے گئے یا پھر زخمی ہوئے: افغان حکام۔ فوٹو: اے ایف پی

افغانستان کے صوبے غزنی میں انٹیلی جنس کے دفتر پر طالبان کے کار بم حملے میں 8 پولیس اہلکاروں سمیت 14 افراد ہلاک اور درجنوں زخمی ہو گئے۔

افغان حکام کے مطابق طالبان نے غزنی میں این ڈی ایس کے یونٹ کو نشانہ بنایا۔

وزارت صحت کے حکام کے مطابق حملے میں این ڈی ایس کے 8 اہلکاروں سمیت 13 افراد اور ایک بچہ ہلاک ہوئے۔

حکام کے مطابق خود کش حملے میں 180 افراد زخمی بھی ہوئے جن میں 60 بچے بھی شامل ہیں جو جائے وقوعہ کے قریب ہی واقع اسکول میں موجود تھے۔

غزنی کے ہیلتھ ڈائریکٹر زاہر شاہ نکمال کا کہنا ہے کہ زخمیوں کی تعداد زیادہ ہونے کے باعث ہلاکتوں میں اضافے کا خدشہ ہے۔

دوسری جانب طالبان نے این ڈی ایس کے دفتر پر حملے کی ذمہ داری قبول کر لی ہے۔

ترجمان طالبان ذبیح اللہ مجاہد نے اپنے بیان میں دعویٰ کیا ہے کہ حملے میں این ڈی ایس کے درجنوں افسران یا تو مارے گئے یا پھر زخمی ہوئے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM