Can't connect right now! retry

دنیا
09 جولائی ، 2019

ملزمان کی حوالگی کا بل مکمل ختم ہوچکا: چیف ایگزیکٹو ہانگ کانگ

فوٹو: رائٹر ویڈیو اسکرین گریب

ہانگ کانگ کی چیف ایگزیکٹو کیری لیم نے ملزمان کی حوالگی کے متنازع بل کے مکمل خاتمے کا اعلان کردیا۔

برطانوی نشریاتی ادارے کے مطابق پریس کانفرنس کرتے ہوئے کیری لیم نے کہا کہ ملزمان کی حوالگی کا بل اب مکمل ختم ہوچکا ہے۔

کیری لیم نے اعتراف کیا کہ بل پر حکومت کا کام مکمل طور پر ناکام رہا جب کہ انہوں نے یقین دہانی کرائی کہ حکومت کا اب اس بل پر مزید کام کرنے کا کوئی ارادہ نہیں اور اس حوالے سے قانون ساز کونسل میں بھی کوئی اقدام نہیں اٹھایا جائے گا۔

اس سے قبل کیری لیم نے متنازع بل کے حوالے سے کہا تھا کہ یہ بل رواں آئینی مدت ختم ہونے کے بعد 2020 میں ختم ہوگا۔

واضح رہےکہ ہانگ کانگ میں ملزمان کی چین کو حوالگی کے متنازع بل کو لے کر شدید احتجاج کیا گیا اور مظاہرین نے ہانگ کانگ کی برطانیہ سے آزادی کی سالگرہ پر بھی اپنا احتجاج ریکارڈ کرایا جب کہ اس دوران مظاہرین پرچم کشائی کی تقریب کے مقام تک بھی پنہچے اور انہوں نے پارلیمنٹ پر بھی حملہ کیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM