13 جولائی ، 2019
تھائی لینڈ کے شہری نے سماجی رابطوں کی ویب سائٹ فیس بک پر ایک پوسٹ شیئر کی جس میں اس نے اپنے ساتھ ہونے والے ایک انوکھے واقعے کا ذکر کیا۔
سومکیات تھاورنسک نامی شہری نے اپنی پوسٹ میں بتایا کہ اس کے کمرے میں لگے ائیرکنڈیشنر میں سے رات کے اوقات میں کچھ آوازیں آنا شروع ہوئیں جس پر اس نے ائیرکنڈیشنر کھولا تو وہ اس میں سانپ دیکھ کر حیرت اور خوف کی تصویر بن گیا۔
سومکیات نے جیسے ہی ائیرکنڈیشنر کھولا تو وہ زور سے چیخ اٹھا کیونکہ اس میں سانپ رینگ رہے تھے۔
اس نے اپنی فیس بک کی پوسٹ میں لکھا کہ میں نہیں جانتا کہ یہ کس طرح کے سانپ تھے اور یہ یہاں پر کیسے آئے، جب اس نے ان سانپ کو پکڑ کر باہر نکالا تو یہ کُل 5 سانپ تھے۔