رواں برس کا دوسرا چاند گرہن آج دیکھا جا سکے گا

آج رات 11 بج کر 44 منٹ پر شروع ہونے والا چاند گرہن 17 جولائی بروز بدھ کی صبح 5 بج کر 18 منٹ تک جاری رہے گا: محکمہ موسمیات—. فوٹو:فائل

رواں برس کا دوسرا چاند گرہن دنیا کے مختلف ممالک سمیت پاکستان میں بھی آج دیکھا جاسکے گا۔

محکمہ موسمیات کے مطابق 16 اور 17 جولائی منگل اور بدھ کی درمیانی شب چاند کو جزوی گرہن لگے گا، اس دوران چاند زمین سے قریب ترین فاصلے پر ہو گا۔

محکمہ موسمیات کے حکام کا بتانا ہے کہ چاند گرہن منگل کی رات 11 بج کر 44 منٹ پر شروع ہو گا، رات 2 بج کر 32 منٹ پر عروج پر ہو گا اور بدھ کی صبح 5 بج کر 18 منٹ پر اختتام پزیر ہو گا۔

محکمہ موسمیات کا کہنا ہے کہ دوسرا چاند گرہن پاکستان سمیت یورپ، ایشیا، افریقا اور جنوبی امریکا کےکچھ علاقوں میں دیکھا جاسکتا ہے۔

بحرالکاہل، بحر ہند، بحرہ اوقیانوس اور بحر منجمد میں بھی چاند گرہن دیکھا جا سکے گا۔

واضح رہے کہ رواں سال کے پہلے مکمل چاند گرہن کا نظارہ 21 جنوری کو افریقا، یورپ، جنوبی اور شمالی امریکا میں کیا گیا تھا جسے ماہرین فلکیات نے 'سپر بلڈ وولف مون' کا نام دیا تھا۔

مزید خبریں :