Can't connect right now! retry

دلچسپ و عجیب
27 جولائی ، 2019

پہلے بیٹے کی پیدائش پر جوڑے کیلئے زبردست انعام کی پیشکش

پولش گاؤں کی آبادی تقریبا 300 باشندوں پر مشتمل ہے جن میں سے زیادہ تعداد خواتین اور لڑکیوں کی ہے۔ فوٹو: فائل

پولینڈ کے ایک گاؤں میں ایسے شادی شدہ جوڑوں کے لیے انعام کی پیشکش کی گئی ہے جن کے ہاں سب سے پہلے بیٹا پیدا ہو گا۔

جنوبی پولینڈ کے ایک چھوٹے سے گاؤں میسکے آرزینسکے میں لڑکوں کی پیدائش کی شرح نہ ہونے کے برابر ہے اور پچھلے 9 سال سے اس گاؤں میں کوئی بھی بچہ پیدا ہی نہیں ہوا۔

اس گاؤں کی آبادی تقریبا 300 باشندوں پر مشتمل ہے جن میں سے زیادہ تعداد خواتین اور لڑکیوں کی ہے۔

پولش گاؤں میں آخری بار جو لڑکا پیدا ہوا تھا اس کی عمر اس وقت 12 برس ہے اور وہ اب بھی اسی گاؤں میں رہائش پزیر ہے۔

فوٹو: بشکریہ آڈیٹی سینٹرل

گاؤں میں فائر بریگیڈ کے سربراہ کا کہنا ہے کہ ہمارے پورے اسٹاف میں صرف خواتین ہی ہیں۔

ان کا مزید کہنا تھا کہ میں اس گاؤں میں آیا اور یہیں کی لڑکی سے شادی کی جس کے بعد میری 2 بیٹیاں ہیں اور میری خواہش ہے کہ میرا بیٹا بھی ہو مگر اب یہ ایک نا ممکن سی بات لگتی ہے۔

ہمارے پڑوسی گھر میں بھی 2 لڑکیاں ہی ہیں، مجھے ایسا لگتا ہے کہ اس گاؤں کی خواتین میں بیٹا پیدا کرنے والے جرثومے ہیں ہی نہیں۔

فوٹو: بشکریہ آڈیٹی سینٹرل

گاؤں کے میئر فرسچکو کا کہنا ہے کہ ماضی میں لڑکوں کی پیدائش کی شرح کا ڈیٹا دیکھ رہے ہیں اور اس وجہ کا بھی پتہ لگا رہے ہیں کہ ایسا کیوں ہو رہا ہے۔

ان کا مزید کہنا ہے کہ اس گاؤں میں جس جوڑے کے ہاں بھی پہلا لڑکا پیدا ہو گا اسے انعام سے نوازا جائے گا۔

انہوں نے کہا کہ یہ تو نہیں بتا سکتا کہ انعام میں کیا ہو گا مگر اتنا ضرور ہے کہ وہ انعام بہت اچھا ہو گا۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM