مقبوضہ کشمیر میں لاک ڈاؤن سے انسانی المیہ مزید گہرا ہوتا جا رہا ہے: وزیرخارجہ

وزیرخارجہ شاہ محمود قریشی کا کہنا ہے کہ مقبوضہ کشمیر میں لاک ڈاؤن سے انسانی المیہ مزید گہرا ہوتا جا رہا ہے۔

مقبوضہ کشمیر میں غاصب بھارتی فوج کی جانب سے کرفیو کو دو ہفتے مکمل ہوگئے ہیں۔

دو ہفتوں سے جاری وادی کے مکمل لاک ڈاؤن کے باعث مقبوضہ کشمیر میں خوراک، ادویات سمیت دیگر اشیاء کی شدید قلت پیدا ہوگئی ہے۔

پاکستان نے سلامتی کونسل میں بڑا معرکہ سرکیا، بھارت کو سفارتی شکست ہوئی: وزیرخارجہ

سفارتی شکست کے بعد بھارت مِس ایڈونچر کر سکتا ہے، بھارت کے ارادوں سے واقف ہیں، قوم اور ادارے بھارتی عزائم سے نمٹنے کیلئے تیار ہیں: شاہ محمود قریشی کی پریس کانفرنس

وزیرخارجہ شاہ محمود قریشی کا مقبوضہ وادی کے حالات سے متعلق کہنا ہے کہ مقبوضہ جموں وکشمیر میں تمام آبادی کا لاک ڈاؤن قابل مذمت ہے اور یہ لاک ڈاؤن دو ہفتے سے جاری ہے۔

انہوں نے کہا کہ مقبوضہ وادی میں لاک ڈاؤن سے انسانی المیہ مزید گہرا ہوتا جا رہا ہے، بھارتی اقدام سے خطے اور خطے سے باہر کا امن واستحکام متاثر ہوا۔ 

ان کا مزید کہنا ہے کہ یہ صورتحال بھارتی غیر قانونی و یک طرفہ فیصلوں کے باعث پیدا ہوئی، بھارتی وزیر دفاع کا بیان اس بدترین صورتحال کا عکاس ہے جس میں بھارت اس وقت پھنسا ہوا ہے۔

بھارت آزاد کشمیر پر قبضے کا خواب نہ دیکھے: ترجمان پاک فوج

بھارت مقبوضہ کشمیر سے عالمی توجہ ہٹانے کیلئے پلوامہ طرز پر جھوٹا آپریشن کر سکتا ہے لیکن پاک فوج بھارت کو سرپرائز دینے کیلئے ہر طرح سے تیار ہے: میجر جنرل آصف غفور

یاد رہے کہ غاصب بھارتی فوج کی جانب سے مقبوضہ کشمیر میں مسلسل 14 روز سے مکمل لاک ڈاؤن جاری ہے، وادی کا پوری دنیا سے مواصلاتی رابطہ منقطع ہے۔ 

وادی میں انٹرنیٹ، ٹیلی فون اور موبائل فون سروس بھی مکمل طور پر بند ہے۔

مقبوضہ کشمیر کی موجودہ صورتحال کا پس منظر

بھارت نے 5 اگست کو راجیہ سبھا میں کشمیر کی خصوصی حیثیت ختم کرنے کا بل پیش کرنے سے قبل ہی صدارتی حکم نامے کے ذریعے کشمیر کی خصوصی حیثیت ختم کردی تھی اور ساتھ ساتھ مقبوضہ کشمیر کو وفاق کے زیرِ انتظام دو حصوں یعنی (UNION TERRITORIES) میں تقسیم کردیا تھا جس کے تحت پہلا حصہ لداخ جبکہ دوسرا جموں اور کشمیر پر مشتمل ہوگا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے۔ بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے ہیں۔

آرٹیکل 370 کیا ہے؟

بھارتی آئین کا آرٹیکل 370 مقبوضہ کشمیر میں خصوصی اختیارات سے متعلق ہے۔

مسئلہ کشمیر پر سلامتی کونسل کا اجلاس اس کی قراردادوں کی توثیق تھا: وزیراعظم

وزیراعظم عمران خان نے مسئلہ کشمیر کی سنگین صورتحال پر سلامتی کونسل میں بحث کا خیر مقدم کیا ہے

آرٹیکل 370 ریاست مقبوضہ کشمیر کو اپنا آئین بنانے، اسے برقرار رکھنے، اپنا پرچم رکھنے اور دفاع، خارجہ و مواصلات کے علاوہ تمام معاملات میں آزادی دیتا ہے۔

بھارتی آئین کی جو دفعات و قوانین دیگر ریاستوں پر لاگو ہوتے ہیں وہ اس دفعہ کے تحت ریاست مقبوضہ کشمیر پر نافذ نہیں کیے جا سکتے۔

بھارتی آئین کے آرٹیکل 370 کے تحت کسی بھی دوسری ریاست کا شہری مقبوضہ کشمیر کا شہری نہیں بن سکتا اور نہ ہی وادی میں جگہ خرید سکتا ہے۔

پاکستان کا رد عمل

پاکستان نے بھارت کے اس اقدام کی بھرپور مخالفت کی اور اقوام متحدہ، سلامتی کونسل سمیت ہر فورم پر یہ معاملہ اٹھانے کا فیصلہ کیا۔

پاکستان نے فوری طور پر پارلیمنٹ کا مشترکہ اجلاس اور قومی سلامتی کمیٹی کا اجلاس طلب کیا۔

بھارت کی دنیا کا امن خطرے میں ڈالنے کی دھمکی

بھارت جوہری ہتھیاروں کے حوالے سے اب تک 'نو فرسٹ یوز' کی پالیسی پر قائم رہا، مستقبل میں کیا ہو گا اس کا انحصار حالات پر ہے: بھارتی وزیر دفاع کی گیڈر بھبکی

پارلیمنٹ کے مشترکہ اجلاس میں بھارتی اقدم کے خلاف مذمتی قرارداد متفقہ طور پر منظور کی گئی۔

قومی سلامتی کمیٹی کے اجلاس میں بھارت کے ساتھ تجارتی تعلقات ختم اور سفارتی تعلقات محدود کرنے کا فیصلہ کیا گیا جس کے بعد پاکستان میں تعینات بھارتی ہائی کمشنر اجے بساریہ کو ملک چھوڑنے کا حکم دیا گیا۔

وزیر ریلوے شیخ رشید نے سمجھوتہ ایکسپریس اور تھر ایکسپریس ہمیشہ کے لیے بند کرنے کا اعلان کیا تو وہیں اب لاہور سے دہلی جانے والی دوستی بس سروس اور لاہور سے امرتسر جانے والی امرتسر بس سروس بھی بند کردی ہے۔

چین کا بھارتی اقدام پر مؤقف

چینی وزارت خارجہ کی ترجمان ہوا چوینگ نے پاکستان اور بھارت کے درمیان لائن آف کنٹرول پرکشیدگی اور آرٹیکل 370 کو ختم کرنے سے متعلق سوالات پر تحریری جواب میں کہا کہ چین کو کشمیر کی موجودہ صورتحال پر 'شدید تشویش' ہے۔

ترجمان کا کہنا تھا کہ چین نے سرحدی علاقے میں بھارتی مداخلت کی ہمیشہ مخالفت کی ہے اور اس بارے میں ہمارا مؤقف واضح اور مستقل ہے۔

کشمیر پر کبھی کوئی سمجھوتا نہیں ہوسکتا: آرمی چیف جنرل قمر باجوہ

کشمیر کاز کیلئے اپنی قومی ذمہ داریاں نبھانے کیلئے ہروقت تیار ہیں: یوم آزادی پر پیغام

انہوں نے کہا کہ بھارت نے اپنا قانون یکطرفہ تبدیل کرکے ہماری خودمختاری کو نقصان پہنچایا، ایسے اقدامات ناقابل قبول اور کبھی قابل عمل نہیں ہوسکتے۔

ترجمان کے مطابق بھارت سرحدی معاملات پر بیان اور عمل میں ہوشمندی کا مظاہرہ کرے اور بھارت چین سے کیے گئے معاہدوں پر قائم رہے، بھارت ایسے کسی بھی عمل سے باز رہےجو سرحدی امور کو مزید مشکل بنادے۔

مقبوضہ جموں و کشمیر کی صورتحال پر سلامتی کونسل کا اجلاس

پاکستان اور چین کی درخواست پر اقوام متحدہ کی سلامتی کونسل کا خصوصی اجلاس 16 اگست کو ہوا جس میں 15 رکن ممالک کے مندوبین اجلاس میں شریک ہوئے۔

یو این ملٹری ایڈوائزر جنرل کارلوس لوئٹے نے مقبوضہ جموں و کشمیر کی صورتحال پر بریفنگ دی جبکہ اقوام متحدہ کے قیام امن سپورٹ مشن کے معاون سیکریٹری جنرل آسکر فرنانڈس نے بھی شرکاء کو بریفنگ دی۔

'سلامتی کونسل اجلاس نے اس بات کی نفی کردی کہ کشمیر بھارت کا اندرونی معاملہ ہے'

ہم مقبوضہ جموں و کشمیر کے مسئلے کا پُرامن حل چاہتے ہیں، نہتے کشمیریوں کی آواز آج اعلیٰ ترین فورم پر سنی گئی، ہماری کوششیں مسئلے کے حل تک جاری رہیں گی، ملیحہ لودھی

مسئلہ کشمیر پر اقوام متحدہ کی سلامتی کونسل کا اجلاس ایک گھنٹہ 10 منٹ جاری رہا۔

یو این ایجنسی کے جاری بیان کے مطابق کشمیر پر سلامتی کونسل میں براہ راست بات چیت ہوئی، بھارتی زیر انتظام مسلم اکثریتی کشمیر کا خصوصی درجہ تھا جو کہ بھارت نے 5 اگست کو وہ حیثیت ختم کردی۔

اقوام متحدہ کا کہنا ہے کہ کشمیر پر یو این کی پوزیشن سلامتی کونسل کی قراردادوں کے تحت ہے، مسئلہ کشمیر کا حتمی درجہ اقوام متحدہ کے چارٹر کے تحت طے ہونا ہے۔