18 ستمبر ، 2019
پاکستان کی مشہور اداکارہ مہوش حیات نے اپنی ایک خوبصورت تصویر شیئر کی جس میں انہوں نے اپنے چاہنے والوں سے فرینچ زبان میں سوال کیا۔
تمغہ امتیاز حاصل کرنے والی اداکارہ مہوش حیات نے انسٹاگرام پر اپنی ایک تصویر مداحوں سے شیئر کی جس کی وضاحت میں انہوں نے فرینچ زبان میں سوال کیا کہ ?'Quel profondeur est votre amour'
اداکارہ کی تصویر کو پسند کرتے ہوئے مداحوں نے تبصرہ کیا کہ آخر انہوں نے کس زبان میں کیا لکھا ہے اور اس کا اردو ترجمہ کیا ہے؟
دراصل مہوش حیات نے فرینچ زبان میں اپنے پرستاروں سے پوچھا ہے کہ آپ کی محبت میں کتنی گہرائی ہے؟
دوسری جانب کچھ پرستاروں نے ان کے لباس کی وجہ سے انہیں تنقید کا بھی نشانہ بنایا۔
واضح رہے کہ اس وقت اداکارہ امریکا کے دورے پر ہیں جہاں انہوں نے عالمی شہرت یافتہ اور مودی حکومت کی حمایت کرنے والی بالی وڈ اداکارہ پریانکا چوپڑا کے شوہر نک جونس سے ملاقات کی تھی۔
اس کے علاوہ انہوں نے یو ایس اوپن چیمپیئن شپ میں بھی شرکت کی تھی جن کی تصاویر بھی سوشل میڈیا پر اداکارہ کی جانب سے شئیر کی گئی تھیں۔