Can't connect right now! retry

دلچسپ و عجیب
14 اکتوبر ، 2019

خاتون کی نومولود بیٹی کے وزن نے سب کو حیران کردیا

نومولود ریمی کا وزن 6 کلو گرام ہے۔۔۔ فوٹو: بشکریہ مرر یوکے

آسٹریلوی خاتون کے ہاں نومولود بیٹی کی پیدائش ہوئی جس کے وزن نے تمام لوگوں کو حیران کردیا.

ایما ملر اور ڈینیل کے ہاں بیٹی پیدا ہوئی جس کا نام انہوں نے ریمی فرینسس رکھا، یہ جوڑا آسٹریلیا کے شہر سڈنی میں رہائش پذیر ہے اور ان کے ہاں جب بیٹی کی پیدائش ہوئی تو اس بات سے نا صرف بچی کے والدین حیران تھے بلکہ اسے دیکھنے والے تمام لوگ ہی ان کی بچی کو دیکھ کر حیران ہوگئے۔

میری بیٹی’چھوٹے سومو پہلوان‘ کی طرح دکھتی ہے: والدہ۔۔۔۔ فوٹو: بشکریہ مرر یو کے 

عام طور پر آسٹریلیا میں پیدا ہونے والے بچوں کا اوسطً وزن 3کلو گرام تک ہوتا ہے جب کہ ریمی نامی اس بچی کا وزن 6 کلو گرام تھا۔

بچی کی والدہ ایما کا کہنا تھا کہ میری بیٹی’چھوٹے سومو پہلوان‘ کی طرح دکھتی ہے، میں نے یہ توقع ضرور کی تھی کہ میرا بچہ عام بچوں کے مقابلے میں تھوڑا بڑا ہوگا کیونکہ میں ذیابطیس کی مریضہ ہوں مگر میں نے یہ کبھی نہیں سوچا تھا کہ میری بیٹی اس قدر بڑی ہوگی۔

آسٹریلوی جوڑے کے اس بچی سے پہلے 2 بچے اور ہیں جن میں ایک بچہ 2 سال کا ہے جب کہ دوسرا 4 سال کا ہے، ان کا کہنا تھا کہ ان کے یہ دونوں بچے بھی عام بچوں کے مقابلے میں پیدائش کے وقت زیادہ بڑے تھے جن میں سے ایک بچہ 5.5 کلو گرام جبکہ دوسرا 3.8 کلو گرام کا تھا۔

فوٹو: بشکریہ مرر یو کے 

نومولود ریمی کا شمار ان آسٹریلوی نوزائیدہ بچوں میں ہوتا ہے جن کا وزن 9.9 پونڈ (4.5 کلوگرام) سے زیادہ ہے اور ان کی تعداد 1.2 فیصد ہے۔

ریمی کے والد ڈینیل کا کہنا ہے کہ جب میں اپنی بیٹی ریمی کے ساتھ چہل قدمی کرتا رہتا ہوں تو اس کے آس پاس ہمیشہ لوگوں کا ہجوم لگ جاتا ہے۔ 

واضح رہے کہ دنیا کا سب سے زیادہ بھاری بچہ 1955 میں اٹلی میں پیدا ہوا تھا جس کا وزن 10 کلو گرام تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM