نارنجی کھائیں اور اس کے چھلکوں سے مسائل بھگائیں

فوٹو: فائل

نارنجی کھانے میں مزیدار ہونے کے ساتھ بے حد فائدے مند بھی ہوتی ہے، مگر  کیا آپ جانتے ہیں کہ نارنجی کے چھلکے بھی ضائع کرنے کی چیز نہیں ہیں۔

نارنجی کے چھلکوں کو عام طور پر ہم کوڑے دان میں پھینک دیتے ہیں لیکن ان میں پایا جانے والا قدرتی تیل کسی چیز کو صاف کرنے کے لیے بہترین سمجھا جاتا ہےجبکہ اس کی خوشبو سے آس پاس کی فضاء بھی ترو تازہ ہوجاتی ہے۔

فریج کو تروتازہ  رکھیے

فوٹو: ریڈرز ڈائجسٹ

اکثر فریج میں مسلسل کھانا رکھنے کی وجہ سے بدبو آجاتی ہے۔ فریج کو تروتازہ رکھنے کے لیے نارنجی کے چھلکوں پر نمک چھڑک کر فریج میں رکھ دیں۔ نمک کے اندر یہ خاصیت ہوتی ہے کہ وہ فریج کی نمی اور بدبو کو جذب کرلیتا ہے جب کہ نارنجی کے چھلکے فریج میں ایک خوشبو پیدا کرتے ہیں۔

لکڑی کی چیزوں کی صفائی

فوٹو: ریڈرز ڈائجسٹ

نارنجی کے چھلکے لکڑی کی چیزوں کے داغ کو مٹانے اور انہیں چمکدار بنانے کے کام بھی آتے ہیں۔

نارنجی کے چھلکوں کو ایک جار میں بھر دیں اور اتنے چھلکے ڈالیں کے جار آدھا خالی ہو۔  پھر اس جار میں اتنا سرکہ ڈالیں کہ یہ مکمل بھر جائے، اس جار کو کم سے کم دو ہفتے تک ڈھک کر چھوڑ دیں۔

دو ہفتے بعد اس جار میں سے نارنجی کے چھلکے نکال دیں اور اس کو کسی اسپرے بوتل میں ڈال کر استعمال کریں۔

بالوں میں استعمال

فوٹو: ریڈرز ڈائجسٹ

نارنجی میں وٹامن سی وافر مقدار میں پایا جاتا ہے جو بالوں کو چمکدار ملائم اور نرم بنانے میں بے حد مفید ہے۔ نارنجی کو چھلکے سمیت بلینڈر میں ڈال کر اچھی طرح بلینڈ کرلیں۔ اب اسے بالوں میں 20 منٹ لگانے کے بعد دھو لیں ایسا کرنے سے بال نرم، ملائم اور چمکدار ہوجاتے ہیں۔

مزید خبریں :