'شادی کی رات بھی پاکستان کا میچ دیکھنا نہیں چھوڑا'

انٹرنیشنل کرکٹ کونسل(آئی سی سی) نے کرکٹ کے شائق ایک پاکستانی دُلہے کی تصویر ٹوئٹ کی ہے جس میں وہ شادی کے روز دُلہن اور گھر والوں کے ساتھ پاکستان اور آسٹریلیا کے درمیان ہونے والے میچ دیکھ رہا ہے۔

آئی سی سی کی جانب سے پاکستانی دُلہے اور دُلہن کے کرکٹ کے شوق کی تعریف کرتے ہوئے ان کے جذبات کو سراہا گیا ہے۔

امریکا میں رہائش پذیر پاکستانی شہری حسن تسلیم نے شادی کے روز دُلہن کے ساتھ میچ دیکھنے کی تصویر اور ایک خط آئی سی سی کو بھیجا تھا۔خط میں دُلہےکا کہنا تھا کہ وہ کرکٹ کا جنون کی حد تک شوق رکھتا ہے۔

شائقین کِرکٹ نے ’چنئی ٹیسٹ‘ کو پاکستان کا یادگار میچ قرار دے دیا

پاکستانی ٹیم نے 1999 میں بھارتی شہر چنئی میں کھیلے گئے ٹیسٹ میچ روایتی حریف بھارت کو دلچسپ مقابلے کے بعد 12 رنز سے شکست دی تھی۔

دُلہے کے مطابق شادی کے بعد دُلہن کو گھر لانے کے بعد روایتی رسومات اداکی جارہی تھیں جب کہ اس دوران ہم پاکستان اور آسٹریلیا کے درمیان ہونے والا ٹی ٹوئنٹی میچ بھی دیکھ رہے تھے۔

حسن تسلیم کے مطابق گذشتہ کئی عرصے سے امریکا میں رہنے کی وجہ سے انہیں پاکستان کے میچ دیکھنے کے لیے اکثر راتوں کو جاگنا پڑتا ہے، لیکن اس بار شادی کی رات میچ تھا ، یہ مشکل تھا لیکن میں نے پھر بھی میچ  نہیں چھوڑا۔