Can't connect right now! retry

دنیا
08 نومبر ، 2019

جاپان کی تاریخ میں منشیات کی سب سے بڑی اسمگلنگ کی کوشش ناکام

فوٹو: بشکریہ اے ایف پی

ٹوکیو: جاپانی کسٹم حکام نے کوبی شہر کی بندرگاہ سے 73  ملین ڈالر مالیت کی 400 کلو افیون پکڑ لی۔

حکام کے مطابق  شہر میں منشیات کے حوالے سے یہ انکشاف گزشتہ ماہ کیا گیا تھا جس کے بعد انہوں نے فوری کارروائی کرتے ہوئے منشیات پکڑی جو مقدار  کے لحاظ سے جاپان میں  پکڑی جانے والی منشیات کی سب سے بڑی کھیپ ہے۔

حکام کا کہنا ہے کہ وہ اس حوالے سے فی الحال اضافی معلومات فراہم نہیں کر سکتے کیونکہ ابھی اس کی مزید تحقیقات جاری ہیں۔

اس کارروائی سے چند ماہ قبل بھی جاپانی کسٹم حکام نے وسطی جاپان کے صوبے ایچی کی بندرگاہ سے 177 کلوگرام افیون پکڑی تھی۔

رپورٹس کے مطابق اس حوالے سے اب تک کوئی معلومات سامنے نہیں آسکی ہیں کہ یہ افیون کہاں سے لائی گئی ہے۔

واضح رہے کہ جاپان میں منشیات کے حوالے سے قوانین انتہائی سخت ہیں اور اگر کوئی شخص اس جرم میں پکڑا جائے تو اسے سخت سزا کا سامنا کرنا پڑتا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM