جانیے! 3 کھجوریں کھانے کے کتنے فوائد ہیں؟

10 دسمبر ، 2019

اگر آپ میٹھا کھانے کے شوقین ہیں اور اس ڈر سے نہیں کھاتے کہ اس کے صحت پر اچھے اثرات مرتب نہیں ہوں گے تو آج ہم آپ کو اس مسئلے کا حل بتائیں گے۔

میٹھے کے شوقین افراد اگر اپنا یہ شوق پورا کرتے ہوئے صحت مند رہنا بھی چاہتے ہیں تو کھجور قدرت کی طرف سے دیا گیا ایک ایسا پھل ہے جو ذائقے اور لذت کے ساتھ ساتھ بے شمار فواد بھی اپنے اندر رکھتا ہے۔

کھجور کو غذائیت سے مالامال پھل سمجھا جاتا ہے، ماہرین خوراک کے مطابق اگر آپ روزانہ 3 کھجوریں اپنی خوراک میں شامل کرلیں تو اس کے صحت پر حیرت انگیز اثرات مرتب ہوتے ہیں۔

آنتوں کا کینسر:

کھجور خوراک میں شامل کرنے سے آپ کا نظام ہاضمہ بہترین ہوتا ہے جب کہ کھجور کا روزانہ استعمال آنتوں کے جراثیم کے خلاف بھی مزاحمت پیدا کرتی ہے۔

جب آپ کا نظام ہاضمہ بہتر ہوگا تو اس کا براہ راست تعلق آنتوں سے ہوتا ہے۔ کھجور کا روزانہ استعمال کرنے سے آپ آنتوں کے کینسر جیسی خطرناک بیماری سے بچ سکیں گے۔

ایک تحقیق کے مطابق جو لوگ کھجورکا استعمال روزانہ کرتے ہیں ان کی بڑی آنت کی صحت بہتر ہوتی ہے کیونکہ یہ اچھے بیکٹیریا کی افزائش میں اضافہ کرتی ہے جس سے بڑی آنت کے کینسر کے خلیوں کی نشوونما نہیں ہوتی۔

توانا اور پھرتیلا:

کھجور کے اندر قدرتی شکر، گلوکوز، فرکٹوز، اور سکروز پائے جاتے ہیں جو آپ کو توانائی پہنچانے کا کام کرتے ہیں۔

دوسری جانب کھجور میں دیگر غذائی اجزاء بھی پائے جاتے ہیں جس میں فائبر، پوٹاشیم، میگنیشیم، وٹامنز اور اینٹی آکسیڈینٹ شامل ہیں۔

بہترین نظامِ ہاضمہ:

کھانا اچھی طرح ہضم کرنے اور آنتوں میں اس کی روانی بھی بہتر کرنے کے لیے بھی کھجور کا استعمال انتہائی اہم ہے۔

ایک کپ کھجور میں 12 گرام فائبر پایا جاتا ہے،اگر آپ کے جسم میں فائبر کی درست مقدار جا رہی ہوگی تو اس سے آپ کا نظام ہاضمہ کبھی متاثر نہیں ہوگا۔

بہترین دماغی صحت:

کھجور میں وٹامن بی6 وافر مقدار میں پایا جاتا ہے جو کہ دماغی صحت کے لیے بہترین سمجھا جاتا ہے۔

ماہرین کا کہنا ہے ہے کہ اگر جسم میں وٹامن بی 6 کی مقدار کم ہوجائے گی تو اس کا براہ راست تعلق ڈپریشن سے ہوتا ہے اس لیے روزانہ 3کھجوریں کھانے سے آپ کو فائبر کی وہ مقدار میسر آسکتی ہے جو آپ کی دماغ صحت کو بہتر رکھے گی۔