وفاقی وزیر علی زیدی اپنی کارکردگی سے متعلق سوال پر سیخ پا

وفاقی وزیر برائے ابحری امور علی زیدی اپنی کارکردگی کے بارے میں سوال پوچھنے پر غصے میں آگئے۔

کراچی میں ہانگ کانگ کنونشن سے خطاب کے دوران علی زیدی سے صحافی نے سوال کیا کہ علی زیدی صاحب، سوا سال میں آپ کی وزارت نے کیا کام کیا ہے؟ 

اس پر وفاقی وزیر برائے بحری امور نے جواب دیا کہ میں آپ کو جواب ہی نہیں دیتا، چھوڑ دیں۔

اس پر وہاں موجود صحافیوں نے احتجاج کیا کہ آپ جواب نہ دے کرصحافی کی بے عزتی کر رہے ہیں، آپ یہ کیسے کہہ سکتے ہیں کہ سوال نہیں کرو؟ پھر تو کوئی بھی سوال نہیں کرے گا۔ 

اس موقع پر وفاقی وزیر مسلسل صحافی کو سوال کا جواب نہ دینے کا کہتے رہے۔