قومی بچت کی متعدد اسکیموں میں منافع کی شرح کم کردی گئی

حکومت نے  نئے سال کی آمد پر  بجلی، پیٹرول اور گیس  کی قیمتیوں میں اضافہ کیا وہیں دوسری جانب قومی بچت اسکیموں کے شرح منافع میں بھی کمی کردی ہے۔

رپورٹ کے مطابق ڈیفس سیونگ سرٹیفکیٹ کا منافع  10 اعشاریہ 68 فیصد سے 28 بیسسز پوائنٹس کم کرکے  10 اعشاریہ 40 فیصد کردیاگیا ہے۔

بہبود اور پینشن اسکیمز کا منافع  12 اعشاریہ 48 سے 24 پوائنٹس کم ہو کر 12 اعشاریہ 24 ہوگیا ہے۔

 ریگولر انکم سرٹیفیکٹ کا منافع 36 بیسسز پوائنٹس کم کر کے 10 اعشاریہ 56 فیصد کردیا گیا ہے جب کہ اس سے قبل اس پر منافع  10 اعشاریہ 92 کی شرح سے دیا جارہا تھا۔

 سیونگ اکاؤنٹ کا منافع بھی  40 بیسسز پوائنٹس کم کر کے 8.60 فیصد کردیاگیا ہے جب کہ اسپیشل سیونگ سرٹیفکیٹ کا منافع 11 فیصد برقرار  رکھا گیا ہے۔