07 جنوری ، 2020
کبھی کبھی چھوٹی سی چیز بھی انسان کو بڑی مشکل میں ڈال سکتی ہے اور ایسی ہی مشکل کا سامنا ایک برطانوی شہری کو بھی کرنا پڑا۔
41 سالہ برطانوی شہری ایڈم کو یہ محسوس ہوا کہ ان کے دانت میں پاپ کارن پھنس ہوا ہے جو کہ اس طرح پھنسا تھا کہ وہ اسے نکال نہیں پا رہے تھے۔
ایڈم نے غیر ملکی خبر رساں ادارے کو بتایا کہ اس پاپ کارن کے ٹکڑے کو دانت سے نکالنے کے لیے انہوں نے کیل، تار اور پین سمیت کئی چیزیں استعمال کیں لیکن وہ اس پاپ کارن کو نکالنے میں ناکام رہے اور ساتھ ہی پاپ کارن نکالنے کی وجہ سے انہوں نے اپنے مسوڑھوں کو بھی نقصان پہنچایا۔
ایک ہفتے بعد انہیں تھکاوٹ، سردرد اور نزلے کی کیفیت ہونے لگے جو مسوڑھوں میں انفیکشن ہونے کی علامات میں سے ایک ہیں۔
ایڈم نے ڈاکٹر کو دکھایا لیکن اس کے باوجود بھی ان کی طبعیت میں کوئی بہتری نہیں آئی جس کے بعد انہوں نے ڈاکٹر سے رجوع کیا۔
دل کا اسکین لینے کے بعد ایڈم کو معلوم ہوا کہ اس انفیکشن نے ان کے دل کو متاثر کیا ہے جس کی وجہ سے ان کے دل کا آپریشن کرنا پڑے گا۔
ایڈم مارٹن کی 7 گھنٹے اوپن ہارٹ سرجری کی گئی جس میں ان کے دل کا ایک والو تبدیل جب کہ ایک والو ٹھیک کیا گیا۔