21 جنوری ، 2020
راولپنڈی: ایوب نیشنل پارک میں عالمی معیار کا ہاکی اسٹیڈیم تیار کرلیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ افتتاحی میچ کی تقریب کے مہمان خصوصی تھے جہاں انہوں نے گیند کو ہِٹ لگا کر پاکستان گرینز اور وائٹ کے درمیان میچ کا آغاز کیا۔
آئی ایس پی آر نے بتایا کہ آرمی چیف جنرل قمر جاوید باجوہ نے ہاکی میچ دیکھا اور ہاکی کے فروغ کے لیے کوششوں کو سراہا۔
آئی ایس پی آر کے مطابق اسٹیڈیم بنانے کا مقصد کھیلوں کی اسٹیٹ آف دی آرٹ سہولتوں کی فراہمی ہے۔