21 جنوری ، 2020
خانیوال میں دوستی سے انکار پر اسٹیشن ہاؤس آفیسر (ایس ایچ او) نے مبینہ طور پر بس ہوسٹس لڑکی کو بدسلوکی کا نشانہ بنادیا۔
مخدوم پور کی رہائشی لڑکی بس ہوسٹس نے ایس ایچ او پر الزام لگاتے ہوئے بتایا کہ ایس ایچ او تھانہ مخدوم پور دوستی کرنے کا خواہشمند تھا اور فحش اور دوستی کرنے کے میسجز بھیجتا تھا۔
بس ہوسٹس لڑکی نے الزام لگایا کہ فحش میسجز افشا ہونے کے خوف کے باعث ایس ایچ او نے اس کے گھر پر چھاپا مارا اور موبائل قبضے میں لینے کے بعد والدہ کے سامنے برہنہ کرکے ناچنے کو بھی کہا۔
ڈسٹرکٹ پولیس آفیسر (ڈی پی او) فیصل شہزاد نے ایس ایچ او کو معطل کرکے ڈی ایس پی صدر کی سربراہی میں معاملے کی انکوائری کا حکم دیا ہے جبکہ ڈی پی او کا کہنا ہے کہ واقعے کی فرانزک انکوائری بھی کرائی جائے گی۔