24 جنوری ، 2020
سمندر کے اندر مچھلی کے اچانک وار کرنے کے حوالے سے تو سب نے سنا ہی ہو گا لیکن آج ہم آپ کو سمندر سے اچانک باہر آنے والی مچھلی کے خطرناک وار کا شکار ہونے والے لڑکے کے بارے میں بتائیں گے۔
غیر ملکی خبر رساں ادارے کے مطابق ایک خطرناک مچھلی نے ادول نامی نوجوان کی گردن پر اس قدر طاقت سے وار کیا کہ وہ کشتی سے پانی میں جا گرا لیکن خوش قسمتی سے 16 سالہ لڑکے کو زندہ بچا لیا گیا۔
بچے نے اس خوفناک حادثے کے 5 دن بعد غیر ملکی خبر رساں ادارے کو بتایا کہ وہ رات میں اپنے گھر والوں کے ہمراہ فشنگ ٹرپ پر گئے تھے۔
مچھلی کے حملے کے بعد انہیں اسپتال منتقل کیا گیا جہاں دو گھنٹے کی سرجری کے بعد 3 سرجنز نے ان کی گردن سے مچھلی کا نوکیلا منہ نکالا۔
اسپتال کے ڈائریکٹر جنرل کاکہنا ہے بچے کی حالت مستحکم ہے لیکن اسے ابھی بھی بخار ہے اور ہم اس کا بخار ختم ہونے کا انتظار کر رہے ہیں۔
محمد اِدُول کی تصاویر دنیا بھر میں وائرل ہوئیں جس میں دیکھا جا سکتا ہے کہ ایک مچھلی کا سوئی نما منہ اس کے گردن سے آر پار ہوگیا ہے۔