عمران خان کا دورہ سوئٹزرلینڈ، اخراجات اکرام سہگل و دیگر دوستوں نے اٹھائے

وزیراعظم عمران خان نے کہا ہے کہ ان کے حالیہ دورہ سوئٹزرلینڈ کے اخراجات اکرام سہگل و دیگر دوستوں نے اٹھائے۔

وزیرِاعظم نے ڈیووس کے دورے پر صرف 68 ہزار ڈالرخرچ کیے، فیاض چوہان

ماضی میں حکمرانوں نے ٹیکس کے پیسوں پر دورے کیے، شاہد خاقان نے 2018 میں ڈیووس کے دورے پر پانچ لاکھ 61 ہزار ڈالر خرچ کیے، صوبائی وزیر اطلاعات

خیال ہے کہ وزیراعظم عمران خان نے سوئٹزرلینڈ کے شہر ڈیووس میں 21 سے 24 جنوری تک جاری رہنے والے عالمی اقتصادی فورم میں شرکت کی اور اس دوران فورم کے مرکزی اجلاس سے خطاب کے علاوہ مختلف سیشنز میں بھی گفتگو کی۔

ڈیووس میں ناشتے کی میز پر گفتگو کے دوران عمران خان نے بتایا کہ ان کے ڈیووس کے دورے کے اخراجات اکرام سہگل، عمران چوہدری اور کچھ دیگر دوستوں نے اٹھائے۔

عمران خان نے مزید کہا کہ اگر ان کے دوست دورے کے اخراجات نہ اٹھاتے تو وہ کبھی بھی ساڑھے 4 لاکھ ڈالرز کا بوجھ حکومت پر نہ ڈالتے۔

’ہمیں تو حکومت میں رہتے ہوئے ایسی دوستیوں کی اجازت نہیں‘

دوسری جانب عالمی اقتصادی فورم کے دوران لبنان کے سابق وزیر خارجہ کو اس وقت ہزیمت اٹھانا پڑی جب انہوں نے یہ بتایا کہ ان کے دورہ ڈیووس کیلئے رقم کسی اور نے دی تھی۔

' آٹا اور چینی مہنگی ہونے سے ڈالرز اُس نے کمائے جس کے جہاز میں آپ سفر کرتے ہیں'

دوستوں کی جیبیں بھرنے کیلئے گندم کی اسمگلنگ ہوئی، قبر میں سکون اس کیلئے ہے جس نے لوگوں سے روٹی کا نوالہ نہيں چھینا، پرویز رشیدکاسینیٹ میں خطاب

جبران باصل کے اس جواب کے بعد صورتحال ان کیلئے مزید پریشان کن ہوگئی جب نیدرلینڈز کی وزیر نے کہا کہ انہیں تو حکومت میں ہوتے ہوئے ایسی دوستیوں کی اجازت ہی نہیں ہوتی۔

خیال رہے کہ عام طور پر عوامی عہدہ رکھنے والے شخص سے یہ توقع کی جاتی ہے کہ وہ اپنے دوستوں سے تحائف اور مالی فوائد حاصل نہ کرے کیوں کہ ایسا کرنے کی صورت میں اسے بھی دوستی نبھاتے ہوئے ان کے مفادات کا خیال رکھنے کی ضرورت پڑ سکتی ہے۔