Can't connect right now! retry

انٹرٹینمنٹ
28 جنوری ، 2020

صبا قمر نے ایک اور فلم سائن کردی

فوٹو: بشکریہ صباء قمر انسٹاگرام

اداکارہ صبا قمر نے ہدایت کار سرمد کھوسٹ کی فلم ’کملی‘ کی عکس بندی کے بعد ایک اور فلم بھی سائن کرلی ہے۔

پاکستانی سنیما کی ویب سائٹ کے مطابق ڈراموں میں جلوہ گر ہونے والے اداکار سید جبران اب سلور اسکرین پر قدم رکھیں گے اور ان کے ساتھ اس فلم میں خوبرو اداکارہ صبا قمر مرکزی کردار ادا کریں گی۔

اس فلم میں صبا قمر کے مدِمقابل دو اداکار ہوں گے جن میں سید جبران اور بلال اشرف شامل ہیں ۔

فلم کے پروڈیوسر جمیل بیگ اور حسن ضیا ہیں اور یہ فلم ’جمیل بیگ فلمز‘ اور ’ماسٹر مائینڈ پروڈکشن‘ کی شراکت داری سے بنائی جا رہی ہے تاہم اس فلم کا نام منظرِ عام پر نہیں آیا ہے۔

فوٹو: بشکریہ انسٹاگرام

اس فلم کے مصنف محسن علی ہیں جب کہ ہدایت کار ثاقب خان ہیں۔

یاد رہے کہ اداکار سید جبران نے اداکاری کے کیرئیر کا آغاز اسلام آباد کے (پی ٹی وی)  اسٹیشن سے کیا تھا جس کے بعد انہوں نے متعدد ڈراموں میں بہترین اداکاری کر کے اپنا لوہا منوایا۔

سید جبران کے مقبول ترین ڈراموں میں ’چپ رہو‘، ’عشق پرست‘، ’خود غرض‘ اور ’رانجھا راجھا کردی‘ شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM