Can't connect right now! retry

انٹرٹینمنٹ
10 فروری ، 2020

اداکارہ سنگیتا پاکستانی اداکاراؤں کے ایوارڈ شو کے لباس پر ناراض

پاکستان شوبز انڈسٹری کی مقبول و سینئر اداکارہ سنگیتا نے نجی ٹی وی کے شو میں پاکستانی اداکاراؤں کے لباس پر ناراضی اور مایوسی کا اظہار کیا ہے۔

ایک انٹرویو کے دوران اداکارہ سنگیتا سے سوال کیا گیا جس کے جواب میں انہوں کہا کہ ’جب میں  پاکستانی ایوارڈ شو میں نوجوان اداکاراؤں کو دیکھتی ہوں تو مجھے بہت عجیب محسوس ہوتا ہے‘۔

سنگیتا نے مزید کہا کہ’آج کی اداکاراؤں کو دیکھ کر میں سوچتی ہوں کہ آپ ہالی ووڈ کی نقل کیوں کر رہی ہیں؟‘۔

 انہوں نے پاکستانی اداکاراؤں کو کہا کہ آپ اپنی ثقافت یعنی پاکستانی طرزِ لباس اپنائیں‘۔

سینئر اداکارہ سنگیتا نے اداکاراؤں کو مزید کہا کہ ’اگر آپ چوڑی دار پجامہ، شلوار قمیض، لمبی فراک اور بڑے دوپٹے پہنیں تو دیکھیں کہ آپ کتنی حسین لگیں گی‘۔

اُنہوں نے پاکستانی اداکاراؤں کے لباس پر ناراضی ظاہر کرتے ہوئے کہا کہ’آپ پاکستانی طرز کے لباس پہننے کے بجائے چھوٹی چھوٹی اور نامناسب میکسیاں پہن کر آتی ہیں جو مجھے بلکل اچھا نہیں لگتا ‘۔

واضح رہے کہ پاکستان شوبز انڈسٹری میں جب بھی کوئی ایوارڈ شو کی تقریب منعقد ہوئی تو متعدد اداکاراؤں کو مغربی طرز کے لباس میں ہی دیکھا گیا جب کہ بے حد کم پاکستانی اداکاراؤں کو روایتی پاکستانی لباس میں دیکھا گیا ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM