سابق سری لنکن کپتان کمار سنگارا قرنطینہ میں چلے گئے

سابق سری لنکن کپتان و صدر ایم سی سی کمار سنگاکارا نے انگلینڈ سے وطن واپسی کے بعد کولمبو میں تنہائی اختیار کر لی۔

غیر ملکی خبر رساں ادارے کے مطابق کمار سنگاکارا کا کہنا ہے کہ 'مجھے کووڈ-19 کی کوئی علامات ظاہر نہیں ہوئی ہیں لیکن حکومت کی ہدایات کے مطابق خود کو قرنطینہ میں رکھا ہے'۔

انہوں نے مزید کہا کہ 'میں ایک ہفتہ قبل لندن سے یہاں پہنچا تو میں نے ٹی وی پر دیکھا کہ ہدایت کی جارہی ہےکہ جس نے بھی بیرون ملک سفر کیا ہے وہ پولیس میں اپنا اندراج کرائے اورپھر قرنطینہ میں چلا جائے'۔

فٹبال کلب ریال میڈرڈ کے سابق صدر کورونا وائرس سے ہلاک

لورینزو سانز 1995 سے 2000 تک اسپینش فٹ بال کلب ریال میدرڈ کے صدر رہے تھے

سابق کپتان کا کہنا تھا کہ حکومت نےحال ہی میں بیرون ملک سے آنے والوں میں سے 3 لوگوں میں کورونا وائرس کی تصدیق ہونے کا بتایا ہے اور حکومت کے مطابق یہ 3 لوگ حکام سے کورونا وائرس کی علامات کو چھپا رہے تھے۔

خیال رہے کہ کورونا وائرس سے دنیا بھر میں ہلاکتوں کی تعداد 14 ہزار سے تجاوز کرچکی ہے جب کہ سری لنکا میں 80 لوگوں میں وائرس کی تصدیق کی جا چکی ہے۔