Can't connect right now! retry

پاکستان
25 مارچ ، 2020

مشیر اطلاعات سندھ کا لاک ڈاؤن کے دوران صحافیوں کے ساتھ ناروا سلوک کا نوٹس

ترجمان سندھ حکومت مرتضیٰ وہاب نے لاک ڈاؤن کے دوران فرائص سرانجام دینے والے صحافیوں کے ساتھ ناروا سلوک کا نوٹس لے لیا۔

وزیراعلیٰ سندھ کے مشیر برائے اطلاعات و قانون مرتضیٰ وہاب کا کہنا ہے کہ سندھ حکومت نے صحافیوں پر کوئی پابندی نہیں لگائی،پولیس اورقانون نافذ کرنے والے اداروں کے اہلکار میڈیا ورکرز کے ساتھ تعاون کریں۔

مرتضٰی وہاب کا کہنا ہے کہ لاک ڈاؤن کے دوران صحافی اپنے فرائض انجام دے سکتے ہیں تاہم اس دوران صحافی حضرات احتیاط ضرور برتیں، احتیاط کے ذریعے ہی کورونا کا خاتمہ کرسکتے ہیں۔

خیال رہے کہ سندھ میں کورونا وائرس سے متاثرہ افراد کی تعداد 413 ہوگئی ہے جن میں سے ایک مریض جاں بحق بھی  ہوچکا ہے۔

سندھ حکومت نے کورونا کو پھیلنے سے روکنے کے لیے 23 مارچ سے 15 روز کے لیے لاک ڈاؤن کررکھا ہے۔

 محکمہ داخلہ سندھ کے نوٹیفکیشن کے مطابق صوبے میں رات 8 سےصبح 8 بجےتک کھانے پینے کی اشیا اور پرچون کی دکانیں بھی بند رہیں گی تاہم اسپتال 24 گھنٹے کام کرتےرہیں گے جب کہ صرف اسپتالوں کے قریب واقع میڈیکل اسٹورز کو ہی کھلنے کی اجازت ہوگی۔

محکمہ داخلہ سندھ کے مطابق رات 8 بجے سے صبح 8 بجے کے دوران کسی کو بھی سڑک پرآنے کی اجازت نہیں ہوگی، صرف طبی ضرورت پر مریض کو اسپتال لے جایا جا سکےگا ۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM