اسٹیٹ بینک نے قرض ادائیگی ایک سال کیلئے مؤخر کرنے کی وضاحت کردی

اسٹیٹ بینک آف پاکستان نے قرض کی ادائیگی ایک سال کیلئے مؤخر کرنے کے فیصلے کی وضاحت کردی۔

آٹوز، ہاؤسنگ، کنزیومر لون اور کریڈٹ کارڈز پر قرض کی مؤخر ادائیگی سے متعلق اسٹیٹ بینک کی وضاحت سامنے آگئی۔

اسٹیٹ بینک نے کہا ہے کہ ماضی میں قرض کو بلاتاخیر واپس کرنے والے افراد ہی قرض کی اصل رقم پر 1 سال کی رعایت کے اہل ہوں گے۔

اقتصادی رابطہ کمیٹی نے وزیراعظم کے ریلیف پیکج کی منظوری دے دی

اعلامیے کے مطابق ای سی سی نے کورونا وائرس کی صورتحال سے نمٹنے کے لیے وزیراعظم عمران خان کے 1200 ارب روپے کے ریلیف پیکج کی منظوری دی ہے

اسٹیٹ بینک کے مطابق مذکورہ افراد کیلئے اصل رقم کی ادائیگی ایک سال تک کے لیے مؤخر کردی گئی ہے تاہم سود کی ادائیگی کرنی ہوگی، خواہش مند افراد سود اور اصل رقم کی ادائیگی ایک سال سے زائد عرصے تک مؤخر کرانے کے لیے درخواست دے سکتے ہیں۔

اسٹیٹ بینک کے مطابق اس عمل میں کوئی اضافی فیس یا سود میں اضافہ نہیں ہو سکے گا، قرض ری شیڈول کرنے کی درخواست رجسٹرڈ نمبر یا ای میل سے بینک کو بھیجنا ہوگی۔