بلوچستان کابینہ میں شامل معاونین خصوصی کی تقرری غیر آئینی قرار

بلوچستان ہائیکورٹ نے صوبائی کابینہ میں شامل معاونین خصوصی کا نوٹیفکیشن کالعدم کرنے کا حکم دے دیا۔

صوبائی کابینہ میں شامل معاونین خصوصی کی تقرری کو ایک شہری بابر مشتاق نے ہائیکورٹ میں چیلنج کررکھا تھا جس پر بلوچستان ہائی کورٹ کے 2 رکنی بینچ نے فیصلہ سنایا۔ 

اتنی کابینہ کا مطلب ہے کہ وزیراعظم کچھ جانتا ہی نہیں، چیف جسٹس حکومت پر شدید برہم

وزراء اور مشیروں کی فوج در فوج ہے، مگر کام کچھ نہیں، مشیروں کو وفاقی وزراء کا درجہ دے دیا: جسٹس گلزار احمد کے ریمارکس

چیف جسٹس جمال خان مندوخیل اورجسٹس عبداللہ بلوچ پر مشتمل بنچ نے  وزیراعلیٰ کے معاونین خصوصی کو تنخواہوں کے علاوہ تمام مراعات بھی واپس کرنے کا حکم دیا۔ 

فیصلے کے تحت معاونین خصوصی ارباب عمرفاروق، اعجازسنجرانی، عبدالخالق اچکزئی، رامین محمد حسنی، حسنین ہاشمی اور آغاشکیل درانی کی تقرری غیرآئینی قرار دی گئی ہے۔

خیال رہے کہ بلوچستان میں بلوچستان عوامی پارٹی (باپ) اور تحریک انصاف کی اتحادی حکومت قائم ہے جس کے وزیراعلیٰ جام کمال ہیں۔