خیبرپختونخوا حکومت کو آئندہ مالی سال کے بجٹ کی تیاری میں مشکلات

پشاور: خیبرپختونخوا حکومت کو آئندہ مالی سال کے لیے بجٹ کی تیاری میں مشکلات کا سامنا ہے جب کہ رواں مالی سال صوبائی حکومت کو 50 ارب روپے سے زائد خسارہ ہوا ہے۔

خیبر پختونخوا حکومت نے آئندہ مالی سال کی بجٹ ترجیحات کو حتمی شکل دے دی ہے جن میں رواں مالی سال غیرضروری منصوبوں و اخراجات پر کٹ لگایا جائے گا۔

ذرائع کا کہنا ہے کہ بجٹ کا حجم 900 ارب سے زائد متوقع ہے جب کہ بجٹ میں سالانہ ترقیاتی فنڈ کےلیے 250 ارب روپے مختص کرنے پر غورکیا جا رہا ہے، اس کے علاوہ کورونا وائرس کے باعث محکمہ صحت کا بجٹ 11 ارب سے بڑھا کر 15 ارب کرنے کی تجویز زیر غور ہے،  روڈ سیکٹر کا بجٹ 23 ارب سے بڑھا کر 25 ارب تک بڑھانے کا امکان ہے۔

ذرائع محکمہ خزانہ کے مطابق تعلیم کے ترقیاتی بجٹ میں ردوبدل نہ کرنے کا فیصہ ہوا ہے جب کہ ایریگیشن ترقی کےلیے رقم بڑھائی جائے گی۔

اس وقت ترجیح ٹیکس وصولی نہیں بلکہ لوگوں کو ریلیف دینا ہے: حفیظ شیخ

اگر تیل کی قیمت گرتی ہے تو ہماری سوچ یہی رہے گی کہ لوگوں تک فائدہ پہنچائیں کیونکہ اس کا فائدہ نچلے طبقے کو ملتا ہے: مشیر خزانہ

71 کھرب 37 ارب روپے کا وفاقی بجٹ پیش، کوئی نیا ٹیکس نہیں لگایا گیا

حماد اظہر نے 3437 ارب روپے خسارے کا بجٹ پیش کیا، انرجی ڈرنکس، سگریٹس، ڈبل کیبن گاڑیوں کے ٹیکس شرح میں اضافہ، تنخواہوں اور پنشن میں اضافے کا کوئی تذکرہ نہیں