مریخ کے گرد سبز روشنی کا ہالا دریافت

ماہرین نے تاریخ میں پہلی بار حیرت انگیز طور پر مریخ کے گرد سبز روشنی کا ہالا دریافت کیا ہے جو زمین کے ماحول میں آکسیجن کے اخراج سے پیدا ہونے والی شعاعوں قطبی روشنی (aurora lights) سے مماثلت رکھتا ہے۔

نیچرایسٹرو نومی نامی برطانوی جرنل میں شائع ہونے والے مضمون کے مطابق یہ مشاہدہ یورپین اسپیس ایجنسی کے اوربیٹر نے مریخ کے گرد چکر کاٹتے ہوئے کیا۔ 

ماہرین کا کہنا ہے کہ یہ روشنی اس سے پہلے زمین کے علاوہ کسی سیارے پر نہیں دیکھی گئی۔

مریخ پر زندگی اور ایک اجنبی مخلوق کی موجودگی کا انکشاف

ناسا کی خلائی گاڑی ’کیوریوسٹی روور‘ سے بھیجے جانے والے ڈیٹا کے مطابق یہ آثار ایک 3 ارب سال پرانی جھیل کی تہہ سے ملے ہیں، جن کی باقیات میں متعدد نامیاتی مرکبات کا پتہ چلا ہے۔

ماہرین کے مطابق جب سورج کی روشنی سیارے کے ارد گرد ماحول میں موجود ایٹم اور مالیکیول سے ٹکراتی ہے تو اس کے نتیجے میں یہ شعاعیں پیدا ہوتی ہیں۔

سائنسدانوں کا کہنا ہے کہ اس مشاہدے سے یہ پتا چلتا ہے کہ ہمیں دوسرے سیاروں کے بارے میں مزید جاننے کے ضرورت ہے اور مریخ کے ماحول پر تحقیق کے ذریعے وہاں ماضی میں زندگی کی موجودگی کے شواہد تک پہنچا جاسکتا ہے۔

خیال رہے کہ جون 2018 میں سائنسدانوں نے مریخ پر زندگی اور ایک اجنبی مخلوق کی موجودگی کا انکشاف کیا تھا۔

اسپیس ڈاٹ کام کی رپورٹ میں بتایا گیا تھا کہ ناسا کی جدید تحقیق کے مطابق ایک جھیل کی تہہ سے ملنے والے آثار سے پتہ چلا ہے کہ مریخ پر اجنبی زندگی پائی گئی ہے۔

سائنسدانوں کا کہنا ہے کہ مریخ پر موجود ناسا کی خلائی گاڑی ’کیوریوسٹی روور‘ (Curiosity Rover) سے بھیجے جانے والے ڈیٹا کے مطابق یہ آثار 3 ارب سال پرانی جھیل کی تہہ سے ملے ہیں جن کی باقیات میں متعدد نامیاتی مرکبات کا پتہ چلا ہے۔