2011 ورلڈ کپ کا فائنل فکس تھا، سری لنکا کے سابق وزیر کھیل کا دعویٰ

سری لنکا کے سابق وزیر کھیل مہندندا الوتھ گامے نے 2011 کے ورلڈ کپ فائنل میں بھارت اور سری لنکا کے مقابلے کو فکس قرار دے دیا۔

ٹی وی انٹرویو میں سابق وزیر کھیل نے انکشاف کیا کہ  بھارت کے خلاف 2011 ورلڈ کپ کا فائنل بکا ہوا تھا جس طرح سری لنکن ٹیم جیتے ہوئے میچ کو ہاری اس سے ثابت ہوتا ہے کہ یہ ایک فکس میچ تھا۔

انہوں نے کہا کہ سال 2011 میں وہ کھیلوں کے وزیر رہے ہیں اور وہ یہ بات وثوق سے کہتے ہیں کہ 2011 کرکٹ ورلڈ کپ کا فائنل بیچا گیا تھا یہ بات اُ س وقت اوپن کرنا نہیں چاہی تھی لیکن اب سمجھتا ہوں کہ یہ بات بتائی جاسکتی ہے۔

رانا ٹنگا کا 2011 ورلڈکپ فائنل میں سری لنکن ٹیم کی شکست کی تحقیقات کا مطالبہ

کھلاڑی اپنی سفید وردی کے پیچھے گند کو زیادہ عرصے چھپا نہیں سکتے، سابق کرکٹر

ان کا مزید کہنا تھا کہ میں یہ نہیں کہتا کہ سارے کھلاڑی شامل تھے لیکن کچھ لوگوں نے مل کر یہ جیتا ہوا میچ بھارت کے ہاتھوں بیچا ہے۔

انہوں نے  کہا کہ اس بارے میں مزید بات کرسکتا ہوں پر ملک کے مفاد میں تفصیلات نہیں بتاؤں گا۔

اُدھر 2011 ورلڈکپ میں سرلنکن ٹیم کی کپتانی کرنے والے کمار سنگاکارا نے میچ فکسنگ کے ثبوت مانگ لیے ہیں۔

خیال رہے کہ 2011 کے ورلڈکپ فائنل میں سری لنکا کو بھارت نے 6 وکٹوں سے شکست دی تھی اور اس وقت سنگاکارا ٹیم کے کپتان تھے۔

فائنل میچ میں سری لنکا نے بھارت کو جیت کے لیے 275 رنز کا ہدف دیا تھا۔ ہدف کے تعاقب میں 18 رنز پر سچن ٹنڈولکر کا کیچ ڈراپ کرنے کے بعد سری لنکن ٹیم کی بولنگ اور فیلڈنگ خراب ہوئی جس کی وجہ سے بھارت نے ورلڈ کپ فائنل اپنے نام کیا۔

وزارت کھیل کی جانب سے تحقیقات کا آغاز

رانا ٹنگا کا بیان حقیقت کے منافی: بھارتی کرکٹ بورڈ

بھارتی کرکٹرز اشیش نہرا اور گوتم گمبھیر نے ورلڈ کپ 2011کے فائنل سے متعلق ارجُنا .....

دوسری جانب سری لنکا کی وزارت کھیل نے ورلڈ کپ 2011 کے فائنل کے مبینہ طور پر فکس ہونے کے الزامات کی تحقیقات کا آغاز کردیا ہے۔

سابق وزیر کے بیان کے بعد سری لنکا کی وزارت کھیل کی جانب سے اسپیشل انویسٹی گیشن یونٹ میں ایک درخواست جمع کرائی گئی جس میں اِن الزامات کی باضابطہ تحقیقات کا کہا گیا ہے۔

واضح رہے کہ 2017 میں اس میچ کے بارے میں سابق کپتان رانا ٹنگا نے بھی سوالات اٹھائے تھے اور کہا تھا کہ جب ہم ہارے تھے تو میں شدید اضطراب میں تھا، انہیں لگتا ہے کہ کچھ غلط ہو ا ہے اس میچ کی تحقیقات کرائی جانی چاہیے۔

رانا ٹنگا اس میچ کے دوران بحیثت کمنٹیٹر اسٹیڈیم میں موجود تھے۔