Can't connect right now! retry

دنیا
29 جون ، 2020

افغان صوبے ہلمند میں کار بم دھماکہ اور راکٹ حملہ، 23 افراد جاں بحق

افغان صوبے ہلمند کے ضلع سنگین کے زول بازار میں میلے پر 4 راکٹ فائر کیے گئے: افغان حکام— فوٹو: افغان میڈیا

افغانستان کے جنوبی صوبے ہلمند کے بازار میں کار بم دھماکے اور راکٹ حملے میں بچوں سمیت 23 افراد جاں بحق ہوگئے۔

غیرملکی خبر رساں ادارے کے مطابق افغان صوبے ہلمند کے ضلع سنگین کے زول بازار میں میلے پر 4 راکٹ فائر کیے گئے۔

صوبائی گورنر کے دفتر سے جاری بیان کے مطابق دہشت گردوں نے زول بازار میں پہلے 4 راکٹ فائر کیے جس کے بعد اسی مقام پر دھماکے سے گاڑی کو اڑایا گیا۔

کار بم دھماکے اور راکٹ حملوں میں بچوں سمیت 23 افراد جاں بحق ہوگئے جب کہ 15 افراد زخمی ہوئے ہیں۔

ہلمند میں ہونے والے دھماکوں کی ذمہ داری تاحال کسی گروپ نے قبول نہیں کی ہے جب کہ افغان طالبان نے بھی واقعے سے لاتعلقی کا اعلان کیا اور افغان سیکیورٹی فورسز کو حملے کا ذمہ دار قرار دیا ہے۔

ہلمند کا ضلع سنگین کا زیادہ تر علاقہ طالبان کے زیر کنٹرول ہے۔

خیال رہے کہ گزشتہ روز بھی ہلمند کے ضلع واشر میں سڑک کنارے دھماکا خیز مواد پھٹنے سے 6 افراد جاں بحق ہوگئے تھے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM