Can't connect right now! retry

دلچسپ و عجیب
06 جولائی ، 2020

کورونا کے دوران ڈیلیوری کرنے والوں سے اظہار تشکر کیلئے یادگاری مجسمہ نصب

فوٹو: بشکریہ ہندوستان ٹائمز

کورونا کے دوران فرنٹ لائن پر کام کرنے والے ڈاکٹرز اور دیگر پیرا میڈیکل اسٹاف کی کاوشوں کو خوب سراہا جا رہا ہے لیکن اس وبا میں ڈیلیوری کرنے والے لوگوں کی ہمت کو بھی نظر انداز نہیں کیا جا سکتا۔

حال ہی میں روس کے دارالحکومت ماسکو میں کورونا وائرس کے دوران ڈیلیوری کرنے والے مرد اور خواتین کا شکریہ ادا کرنےکے لیے ایک یادگاری مجسمہ نصب کیا گیا ہے۔

اس یادگاری مجسمےکو ایلکسی نامی آرٹسٹ نے تیار کیا ہے جو 3 میٹر لمبا ہے اور اس پر لکھا ہے کہ 'یہ مجسمہ ان لوگوں کے لیے ہے جنہوں نے ہمارا سیلف آئسولیشن میں رہنا ممکن بنایا'۔

اس حوالے سے ماسکو کے کورئیر سروس کے ملازم کا کہناتھا کہ یہ یادگاری مجسمہ ہمارے لیے باعث فخر ہے کیونکہ اس سے پہلے کسی کورئیر یا ڈیلیوری سروس کرنے والے کے لیے یادگاری مجسمہ نہیں بنایا گیا ہے۔

خیال رہے کہ روس میں کورونا وائرس بے حد تیزی سے پھیل رہا ہے جس کی وجہ سے سخت لاک ڈاؤن میں گھروں میں موجود لوگ اپنی ضرورت کی اشیا گھروں پر ہی منگوارہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM