کاروبار
Time 06 جولائی ، 2020

اسٹاک ایکسچینج میں کاروبار کا مسلسل 7واں مثبت دن، ڈالر اور سونا مہنگا ہوگیا

کے ایس ای 100 انڈیکس 151 پوائنٹس اضافے سے 35202 پر بند ہوا۔ کاروباری دن میں 100 انڈیکس 236 پوائنٹس کے بینڈ میں رہا— فوٹو: فائل

کراچی: پاکستان اسٹاک ایکسچینج میں کاروبار کا مسلسل ساتواں مثبت دن رہا جبکہ سونے اور ڈالر کی قدر میں بھی اضافہ دیکھا گیا۔

کے ایس ای 100 انڈیکس 151 پوائنٹس اضافے سے 35202 پر بند ہوا۔ کاروباری دن میں 100 انڈیکس 236 پوائنٹس کے بینڈ میں رہا۔

کاروباری دن میں 33 کروڑ شیئرز کے سودے 11 ارب روپے میں طے ہوئے،  مارکیٹ کیپٹلائزیشن 42 ارب روپے بڑھ کر 6685 ارب روپے ہوگئی۔

ڈالر اور سونا مہنگا

سندھ صرافہ بازار جیولرز ایسوسی ایشن کے مطابق سونے کی فی تولہ قیمت میں 100 روپے کا اضافہ ہوا ہے— فوٹو: فائل

انٹر بینک تبادلہ مارکیٹ میں روپے کے مقابلے میں ڈالر 50 پیسے منہگا ہوا ہے کاروبار کے دوران انٹربینک میں ایک ڈالر کی قدر 166.72 روپے رہی جبکہ اوپن مارکیٹ میں ڈالر 20 پیسے مہنگا ہوکر 167.20 روپے کاہوگیا،

سندھ صرافہ بازار جیولرز ایسوسی ایشن  کے مطابق  سونے کی فی تولہ قیمت میں 100 روپے کا اضافہ ہوا ہے۔

ملک میں سونے کی فی تولہ قیمت 104900 روپے ہوگئی ہے جبکہ 10 گرام سونے کی قدر 85 روپے اضافے سے 89935 روپے ہے۔

عالمی صرافہ بازار میں سونےکی قدر 1 ڈالراضافے سے 1776 ڈالر فی اونس ہے۔

مزید خبریں :