10 جولائی ، 2020
امریکی محکمہ خارجہ نے جاپان کو 23 ارب ڈالر مالیت کے 105 ایف 35 لڑاکا طیاروں کی فروخت کی منظوری دے دی۔
امریکی اسٹیٹ ڈپارٹمنٹ کےمطابق جاپان کےدفاع کو مضبوط، مؤ ثر بنانے کی صلاحیت میں اضافے کیلئے امریکی معاونت قومی مفادمیں ہے۔
امریکی محکمہ خارجہ کا کہنا ہے کہ مجوزہ فروخت سے خطےمیں عسکری توازن تبدیل نہیں ہوگا۔
خیال رہے کہ جاپان نے امریکا سے 63 ایف35 اے، 42 ایف 35 بی اور دیگر متعلقہ ساز و سامان خریدنےکی درخواست کی تھی۔
اب یہ معاملہ امریکی کانگریس کے پاس جائے گا جہاں سے منظوری کے بعد جاپان امریکا سے ایف 35 طیارے خریدنے والا پانچواں ملک بن جائے گا۔
اس سے قبل اسرائیل، جنوبی کوریا، بیلجیم اور پولینڈ بھی امریکا سے ایف 35 طیاروں کی خریداری کامعاہدہ کرچکے ہیں۔