Can't connect right now! retry

کاروبار
17 جولائی ، 2020

آئل ٹینکرز کی ہڑتال: کیماڑی آئل ایریا سے تیل کی سپلائی معطل

کراچی میں آئل ٹینکرز کی ہڑتال کے باعث کیماڑی آئل ایریا سے تیل سپلائی تقریباً معطل ہوگئی۔

کمپنیز ذرائع نے بتایا کہ آئل ٹینکرز کی ہڑتال سے پورٹ قاسم سے تیل سپلائی جزوی متاثرہے تاہم ملک کے دیگر حصوں میں پیٹرولیم سپلائی بحال ہے۔

کمپنیز ذرائع نے بتایا کہ گزشتہ روز کیماڑی میں 2 آئل کمپنیز کے ٹینکرز پر پتھراؤ بھی کیا گیا۔

دوسری جانب پیٹرولیم ڈویژن کے ترجمان کے مطابق حکام نے آئل ٹینکرز ایسویشن سے رابطہ کیا ہے اورجائزمطالبات متعلقہ اداروں تک پہنچانے کی یقین دہانی کرائی ہے۔

آئل ٹینکرز ایسوسی ایشن نے پیٹرولیم ڈویژن کے رابطے کے بعد ہڑتال ملتوی کردی ہے اور  آئل ٹینکرز ایسوسی ایشن کا وفد 20 جولائی کو  پیٹرولیم ڈویژن میں حکام سے ملاقات کرے گا۔

آئل ٹینکرز کنٹریکٹرز ایسوسی ایشن کے صدر نے پیٹرولیم ڈویژن کو کرایوں میں اضافے اور ٹول ٹیکس اضافہ واپس لینے سمیت دیگر مختلف مسائل کے حل کیلئے خط لکھ رکھا تھا اورعمل نہ ہونے پر ہڑتال کی دھمکی دی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM