Can't connect right now! retry

پاکستان
29 جولائی ، 2020

شربت بیچ کر گھر کی کفالت کرنیوالے طالبعلم کی میٹرک میں شاندار کامیابی

ملتان کے حذیفہ نے ثابت کردیا ہے کہ علم کا شوق کوئی رکاوٹ قبول نہيں کرتا اور ارادے بلند ہوں تو ہر منزل سر ہوسکتی ہے۔

پانچویں کلاس سے شربت کی ریڑھی پر کام کرنے والے حذیفہ نے گذشتہ سال ملتان بورڈ کے میٹرک  کے امتحانات میں 1100 میں سے ایک ہزار 50 نمبر حاصل کیے تھے۔

حذیفہ کے والد کا انتقال ہوچکا ہے اور وہ گذشتہ 5 سال سے اپنی والدہ اور 4 چھوٹے بہن بھائیوں کی کفالت کا بوجھ بھی اٹھارہا ہے۔

میٹرک کے امتحان میں سائنس گروپ میں1100میں سے 1050 نمبر حاصل کرنے والا حذیفہ ملک اب اسکالرشپ پر نجی کالج سے پری میڈیکل کر رہا ہے تاہم ساتھ ہی اسے گھروالوں کو بھوک سے بچانے  کے لیے شربت بھی بیچنا پڑتا ہے۔

حذیفہ کی شربت بیچتے ہوئے مسکراتے چہرے کے ساتھ تصویر  اور ویڈیو سوشل میڈیا پر وائرل ہوگئی ہے اور  صارفین کی جانب سے اس کی محنت ، ہمت اور قابلیت کو سراہا جارہا ہے۔

ملتان کے اس ذہین اور محنتی طالب علم کا خواب ہے کہ وہ بڑا ہو کر ڈاکٹر بنے اور ملک و قوم کی خدمت کرے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM