دیر بالا میں جنگل کے تنازع پر فائرنگ، 10 افراد جاں بحق
30 جولائی ، 2020
دیربالا کے علاقے چراگلئی میں جنگل کے تنازع پر فائرنگ کے نتیجے میں 10 افراد جاں بحق ہو گئے۔
ڈی پی او میاں نصیب جان نے فائرنگ سے 10 افراد کے جاں بحق ہونے کی تصدیق کرتے ہوئے بتایا کہ افسوسناک واقعے میں متعدد افراد شدید زخمی بھی ہوئے۔
ڈی پی او دیر بالا نے بتایا کہ مسلح افراد کی جانب سے فائرنگ نماز جنازہ کے بعد کی گئی۔
میاں نصیب جان کا کہنا ہے کہ واقعے کے بعد علاقے میں پولیس کی بھاری نفری بھیج دی گئی ہے جب کہ زخمیوں کو ڈسٹرکٹ ہیڈکوارٹر اسپتال منتقل کر دیا گیا ہے۔
خیال رہے کہ چند روز قبل راولپنڈی کے علاقے چونترہ میں بھی زمین کے تنازع پر فائرنگ کر کے خواتین اور بچوں سمیت 9 افراد کو قتل کر دیا گیا تھا۔
مزید خبریں :
کوئٹہ میں زلزلے کے جھٹکے، شدت 3.5 ریکارڈ
3 گھنٹے پہلے
حج آپریشن 9 مئی سے ملک بھر میں شروع ہوگا
3 گھنٹے پہلے
