01 اگست ، 2020
بھارتی بندرگاہ وشاکاپٹنم کے ہندوستان شپ یارڈ میں 70 ٹن وزنی کرین گرنے سے 11 ملازمین ہلاک ہوگئے۔
بھارتی حکام کے مطابق حادثہ نئی کرین کی آزمائش کے دوران پیش آیا، ہلاک ہونے والوں میں چار شپ یارڈ اور 7 کنٹریکٹ ملازمین تھے۔
ہلاکتوں میں اضافے کا خدشہ ظاہر کیا جارہا ہے جبکہ حادثے کی تحقیقات جاری ہیں۔
اطلاعات کے مطابق حادثے کا شکار ہونے والی کرین دو سال قبل ممبئی کی ایک کمپنی انوپم کرینز نے تیار کی تھی تاہم اب تک یہ آپریشنل نہیں ہوئی تھی، آج اس کرین کا لوڈ ٹیسٹ کیا جارہا تھا کہ حادثہ ہوگیا۔