کراچی میں دو چینی باشندے آپس میں لڑ پڑے، چھری کے وار سے ایک زخمی

کراچی میں چینی باشندے آپس میں لڑ پڑے اور ایک نے چھری کے وار سے اپنے ہم وطن کو زخمی کر دیا۔

پولیس کے مطابق چینی باشندوں کے آپس میں جھگڑے کا واقعہ ڈیفنس میں پیش آیا۔

پولیس حکام کا کہنا ہے کہ لڑائی کے دوران ایک چینی شہری نے دوسرے کو چھری مار کر زخمی کر دیا۔

ایس ایس پی ساؤتھ کا کہنا ہے کہ زخمی چینی باشندے کو طبی امداد کے لیے اسپتال منتقل کر دیا گیا ہے جب کہ واقعے کا مقدمہ بھی درج کر لیا گیا ہے۔