31 اگست ، 2020
دنیا بھر میں بہت سے لوگوں کو ٹیٹو بنوانے کا شوق ہوتا ہے اور کافی لوگوں کا یہ شوق جنون کی حد تک ہوتا ہے اور وہ ایک سے بڑھ کر ایک ٹیٹو بنوانے کی خواہش رکھتے ہیں۔
ہم نے عام طور پر لوگوں کو جسم کے مختلف حصوں پر طرح طرح کے لفظ، تصاویر اور دیگر چیزوں کے ٹیٹو بنواتے تو دیکھا ہی ہوگا لیکن آج ہم آپ کو حقیقت سے قریب تر ٹیٹو دکھانے والے ہیں۔
روس سے تعلق رکھنے والے ٹیٹو بنانے میں ماہر اولیگ شیپیلینگو ایسے ٹیٹو بناتے ہیں جس کو دیکھنے کے بعد آپ کو اپنی آنکھوں پر یقین نہیں آئے گا۔
ٹیٹو بنانے کے ماہر شخص کو آپ کسی کی بھی تصویر دکھا دیں وہ اس تصویر کے ہوبہو ٹیٹو آپ کے جسم پر بنا کر آپ کو حیران کر دیں گے۔
اولیگ شیپیلینگو کو دنیا کے بہترین ٹیٹو بنانے والے ماہرین میں سے ایک سمجھا جاتا ہے اور دور دور سے لوگ ان کے پاس ٹیٹو بنوانے آتے ہیں۔