نوازشریف وارنٹ گرفتاری کی تعمیل کیلئے تیار ہیں، ایڈیشنل اٹارنی جنرل

ایڈیشنل اٹارنی جنرل نے کاؤنٹی کورٹ سے نوازشریف کے وارنٹ کی تعمیل کی رپورٹ جمع کرانے کیلئے اسلام آباد ہائیکورٹ سے مہلت مانگ لی اور سماعت غیر معینہ مدت کیلئے ملتوی کرنے کی درخواست کردی۔

احتساب عدالت کی جانب سے العزیزیہ اور ایون فیلڈ ریفرنس میں نوازشریف کی سزا کے خلاف اپیلوں پر اسلام آباد ہائیکورٹ میں سماعت ہوئی۔ جسٹس عامر فاروق اور جسٹس محسن اختر کیانی پر مشتمل بینچ نے سماعت کی۔

جی ایچ کیو کو نہ سیاسی معاملات پر بلانا چاہیے اور نہ سیاسی قیادت کو وہاں جانا چاہیے: مریم

گلگت بلتستان کا مسئلہ سیاسی ہے، یہ عوامی نمائندوں اور ان کے حل کرنے کا مسئلہ ہے، یہ فیصلے پارلیمنٹ میں ہونے چاہئیں جی ایچ کیو میں نہیں: نائب صدر ن لیگ

سماعت کے دوران ایڈیشنل اٹارنی جنرل نے عدالت کو بتایا کہ نوازشریف کے بیٹے کے سیکرٹری نے لندن میں پاکستانی ہائی کمیشن سے رابطہ کیا، نوازشریف وارنٹ گرفتاری کی تعمیل کیلئے تیار ہیں۔

اس موقع پر  جسٹس عامر فاروق نے کہا کہ وارنٹ کی تعمیل کےلیے اس طرح طویل عرصہ کے لیے سماعت ملتوی نہیں کرسکتے جس کے بعد  عدالت نے سماعت 30 ستمبر تک ملتوی کردی۔

خیال رہے کہ احتساب عدالت نے 6 جولائی 2018 کو ایون فیلڈ ریفرنس میں نواز شریف کو 10 سال قید اور جرمانے، مریم نواز کو7 سال قید اور جرمانے اور کیپٹن (ر) صفدر کو ایک سال قید کی سزا سنائی تھی، جس کے خلاف اسلام آباد ہائی کورٹ سے رجوع کیا گیا تھا۔

نواز شریف کے وارنٹ گرفتاری لندن میں پاکستان کے ہائی کمیشن کو موصول

وارنٹ گرفتاری احتساب عدالت نے اراضی اسکینڈل میں جاری کیے، ہائی کمیشن اہلکار پیر کو وارنٹ بذات خود نواز شریف کی رہائش گاہ پر پہنچائے گا

اسلام آباد ہائی کورٹ نے 19 ستمبر 2018 کو ایون فیلڈ ریفرنس میں احتساب عدالت کی جانب سے نواز شریف، مریم نواز اور کیپٹن (ر) صفدر کو سنائی گئی سزا معطل کرتے ہوئے تینوں کو ضمانت پر رہا کرنے کا حکم دیا تھا۔

نواز شریف نے ایون فیلڈ کیس میں سزا کے خلاف اپیل دائر کر رکھی ہے تاہم عدالت نے ان کی درخواست مریم اور صفدر کی درخواست سے علیحدہ کردی ہے اور العزیزیہ ریفرنس میں ضمانت ختم ہونے اور عدالت میں پیش نہ ہونے پر ان کے وارنٹ گرفتاری جاری کیے جاچکے ہیں۔